ആലപ്പുഴ: ചേർത്തല റെയിൽവേ സ്റ്റേഷന് സമീപത്തുനിന്ന് പുരുഷന്റേതെന്ന് സംശയിക്കുന്ന നിലയിൽ അസ്ഥികൂടം കണ്ടെത്തി. തലയോട്ടി വേർപെട്ട നിലയിലാണ് മൃതദേഹാവശിഷ്ടങ്ങൾ കണ്ടെത്തിയത്. സ്റ്റേഷന്റെ തെക്കുഭാഗത്തുള്ള കാടുമൂടിക്കിടക്കുന്ന സ്ഥലത്താണ് അസ്ഥികൂടം കണ്ടത്.

തലയോട്ടി വേർപ്പെട്ട നിലയിലായിരുന്നു മൃതദേഹാവശിഷ്ടങ്ങൾ. ഒരു ലോറി ഡ്രൈവറാണ് ആദ്യം ഇത് കാണുകയും ഉടൻ തന്നെ പൊലിസിനെ വിവരമറിയിക്കുകയും ചെയ്തത്. അസ്ഥികൂടത്തിൽനിന്ന് മുണ്ടും ഷർട്ടും ചെരിപ്പും വേർപെട്ടിട്ടില്ലാത്ത നിലയിലാണ് കണ്ടെത്തിയത്. ഈ വസ്ത്രങ്ങളാണ് മരിച്ചത് ഒരു പുരുഷനാകാം എന്ന് സംശയിക്കാൻ കാരണം.

ALSO READ: കോഴിക്കോട് എട്ടുവയസ്സുകാരിയെ ലൈംഗികമായി പീഡിപ്പിച്ച കേസ്: 58-കാരന് 8 വർഷം കഠിനതടവും പിഴയും

 സ്ഥലത്തെത്തിയ പൊലിസ് സംഘം മൃതദേഹാവശിഷ്ടങ്ങൾ ഇൻക്വസ്റ്റ് തയ്യാറാക്കി തുടർ ശാസ്ത്രീയ പരിശോധനകൾക്കായി അയച്ചു. സംഭവത്തിൽ ദുരൂഹത ഉള്ളതിനാൽ, ചേർത്തല പൊലിസ് വിശദമായ അന്വേഷണം ആരംഭിച്ചു. കഴിഞ്ഞ ഒരു വർഷത്തിനിടെ സമീപ പ്രദേശങ്ങളിൽ നിന്ന് കാണാതായ പുരുഷൻമാരുടെ വിവരങ്ങൾ പൊലിസ് ശേഖരിച്ചുവരികയാണ്.

A human skeleton, suspected to be that of a man, was found in a bushy area near the Cherthala railway station in Alappuzha. The skull was separated from the rest of the body. The skeleton was discovered wearing a mundu (dhoti), shirt, and slippers, which led to the initial suspicion of it being a male. The discovery was reported by a lorry driver. Police have initiated an investigation and sent the remains for forensic analysis. They are also collecting details of men reported missing in the surrounding areas over the past year to identify the deceased.