ഷാര്‍ജ: മലയാളി യുവാവ് ഉമ്മുല്‍ ഖുവൈനില്‍ ഹൃദയാഘാതം മൂലം നിര്യാതനായി. മലപ്പുറം പെരിന്തല്‍മണ്ണ താഴെക്കോട് അമ്മിനിക്കാട് വടക്കേകരയിലെ കിഴക്കേപ്പുറത്ത് പരേതനായ മുസ്തഫ കോയ തങ്ങളുടെ മകന്‍ സയ്യിദ് ഫൈറൂസ് തങ്ങളാണ്(31) മരിച്ചത്. ഇവിടെ ടെക്സ്റ്റയില്‍ ഷോപ്പിലെ ജീവനക്കാരനായിരുന്നു.
നാട്ടില്‍ വന്ന് 6 മാസം അവധി കഴിഞ്ഞ് രണ്ടാഴ്ച മുമ്പാണ് തിരിച്ചെത്തിയത്.
പുതിയമാളിയേക്കല്‍ ഫഹ്മിദ ബീവി (തിരുവേഗപ്പുറം) ആണ് ഭാര്യ.
നിയമനടപടികള്‍ പൂര്‍ത്തിയാക്കിയ ശേഷം മയ്യിത്ത് നാട്ടില്‍ എത്തിച്ച് മറവ് ചെയ്യും. ഇതിനുള്ള നടപടികള്‍ പുരോഗമിക്കുകയാണെന്ന് ബന്ധുക്കള്‍ അറിയിച്ചു.

Summary: A young man from Perinthalmanna died of a heart attack in Umm Al Quwain