മുംബൈ: ടേക്ക് ഓഫ് ചെയ്യുന്നതിന് തൊട്ടുമുമ്പ് ആകാശ എയർ വിമാനത്തിന്റെ എമർജൻസി എക്സിറ്റ് തുറക്കാൻ ശ്രമിച്ച യാത്രക്കാരനെ പൊലിസ് കസ്റ്റഡിയിലെടുത്തു. തിങ്കളാഴ്ച വൈകുന്നേരം 6:45-ന് വാരണാസിയിലെ ലാൽ ബഹദൂർ ശാസ്ത്രി അന്താരാഷ്ട്ര വിമാനത്താവളത്തിൽ നിന്ന് മുംബൈയിലേക്ക് പോകേണ്ടിയിരുന്ന ക്യു.പി. 1497 വിമാനത്തിലാണ് സംഭവം. സംഭവത്തിൽ, ജോൻപൂർ ജില്ലയിലെ ഗൗരാ ബാദ്ഷാപ്പൂർ സ്വദേശിയായ സുജിത് സിംഗ് എന്ന യാത്രക്കാരനെ പൊലിസ് കസ്റ്റഡിയിലെടുത്തു. 

ALSO READ: അടുത്ത ബില്ലിലും ഷോക്കടിക്കും; നവംബറിലും സര്‍ചാര്‍ജ് പിരിക്കാന്‍ കെ.എസ്.ഇ.ബി

തുടർനടപടികൾ

യാത്രക്കാരൻ എമർജൻസി എക്സിറ്റ് തുറക്കാൻ ശ്രമിച്ചതോടെ, കാബിൻ ക്രൂ പൈലറ്റിന് മുന്നറിയിപ്പ് നൽകി. അദ്ദേഹം എയർ ട്രാഫിക് കൺട്രോളിൽ വിവരം അറിയിച്ചു. തുടർന്ന്, വിമാനം തിരികെ ബേയിലേക്ക് കൊണ്ടുവന്നു. പിന്നീട്, സുരക്ഷാ ഉദ്യോഗസ്ഥർ വിമാനത്തിലെ എല്ലാ യാത്രക്കാരെയും പുറത്തിറക്കിയ ശേഷം, സുജിത് സിംഗിനെ കസ്റ്റഡിയിലെടുത്ത് ചോദ്യം ചെയ്യലിനായി മാറ്റി.

കൗതുകം കൊണ്ടാണ് എമർജൻസി എക്സിറ്റ് തുറക്കാൻ ശ്രമിച്ചതെന്ന് യാത്രക്കാരൻ ചോദ്യം ചെയ്യലിൽ വ്യക്തമാക്കി. ഫൂൽപൂർ സ്റ്റേഷൻ ഹൗസ് ഓഫിസർ പ്രവീൺ കുമാർ സിംഗ് ഈ വിവരം സ്ഥിരീകരിച്ചു. അതേസമയം, സുജിത് സിംഗിനെതിരെ കേസ് രജിസ്റ്റർ ചെയ്തിട്ടുണ്ട്. സുരക്ഷാ പരിശോധനകൾ പൂർത്തിയാക്കിയ ശേഷം, 7:45 ഓടെ വിമാനം മുംബൈയിലേക്ക് പുറപ്പെട്ടു.

A passenger was taken into custody by the police after attempting to open the emergency exit of an Akasa Air flight just before takeoff. The incident occurred on Monday evening, around 6:45 PM, aboard flight QP 1497, which was scheduled to depart from Lal Bahadur Shastri International Airport in Varanasi to Mumbai.