ദുബൈ: തുടർച്ചയായ കാൽമുട്ട് വേദനയെ നിസ്സാരമായി കാണരുതെന്ന് യുഎഇയിലെ ഡോക്ടർമാർ. സ്ട്രെയിൻ, ആർത്രൈറ്റിസ് പോലുള്ള സാധാരണ കാരണങ്ങൾ ഉണ്ടാകാമെങ്കിലും, ചില സന്ദർഭങ്ങളിൽ ഇത് അസ്ഥികളിലേക്ക് പടരുന്ന കാൻസർ (ബോൺ മെറ്റാസ്റ്റാസിസ്) ഉൾപ്പെടെയുള്ള ഗുരുതരമായ രോഗങ്ങളുടെ ആദ്യ സൂചനയാകാമെന്ന് ആരോഗ്യ വിദഗ്ധർ മുന്നറിയിപ്പ് നൽകി.

ഏതാനും ആഴ്ചകളിൽ കൂടുതൽ നീണ്ടുനിൽക്കുന്ന തരത്തിലുള്ള വേദനയാണ് നിങ്ങളെ പിടികൂടിയിരിക്കുന്നത് എങ്കിൽ സ്വയം ചികിത്സിക്കാതെ ഉടൻ വൈദ്യസഹായം തേടണമെന്ന് ഡോക്ടർമാർ അഭ്യർഥിച്ചു.

ആറ് കുട്ടികളുടെ മാതാവായ മോസ അൽഷെഹിയുടെ അനുഭവം ഈ മുന്നറിയിപ്പിൻ്റെ ഗൗരവം വർദ്ധിപ്പിക്കുന്നതാണ്. പേശീവലിവ് എന്ന് കരുതിയ കാൽമുട്ട് വേദന ക്രമേണ വർദ്ധിക്കുകയും ഒടുവിൽ നടക്കാൻ പറ്റാത്ത അവസ്ഥയിലേക്ക് എത്തുകയും ചെയ്തു. വിശദമായ പരിശോധനയിൽ, മോസയ്ക്ക് സ്തനാർബുദം അസ്ഥികളിലേക്ക് വ്യാപിച്ച (ബോൺ മെറ്റാസ്റ്റാസിസ്) ഗുരുതരമായ അവസ്ഥയാണെന്ന് കണ്ടെത്തി. സമയബന്ധിതമായ ചികിത്സയിലൂടെ പിന്നീട് അവർ പൂർണ്ണമായി സുഖം പ്രാപിച്ചു.

ALSO READ: ഐഡി നഷ്ടപ്പെട്ടാലും ആശങ്ക വേണ്ട; ഡിജിറ്റൽ എമിറേറ്റ്സ് ഐഡി ആക്‌സസ് ചെയ്യാനുള്ള മാർ​ഗമിതാ 

ദുബൈയിലെ ഇൻ്റർനാഷണൽ മോഡേൺ ഹോസ്പിറ്റലിലെ മെഡിക്കൽ ഓങ്കോളജി കൺസൾട്ടൻ്റായ ഡോ. മുസ്തഫ ആൽഡാലിയുടെ അഭിപ്രായത്തിൽ, "അപൂർവ്വം സന്ദർഭങ്ങളിൽ, തുടർച്ചയായതോ വിശദീകരിക്കാനാകാത്തതോ ആയ വേദനയ്ക്ക് കാരണം അസ്ഥി മെറ്റാസ്റ്റാസിസ് ആകാം. സ്തനം, പ്രോസ്റ്റേറ്റ്, ശ്വാസകോശം എന്നിവിടങ്ങളിൽ നിന്നുള്ള കാൻസർ കോശങ്ങൾ അസ്ഥി കലകളിലേക്ക് വ്യാപിക്കുന്ന അവസ്ഥയാണിത്."

വേദന തിരിച്ചറിയാം: മുന്നറിയിപ്പ് ലക്ഷണങ്ങൾ

സാധാരണ സന്ധി വേദനയിൽ നിന്ന് അസ്ഥി മെറ്റാസ്റ്റാസിസ് മൂലമുണ്ടാകുന്ന വേദനയ്ക്ക് വ്യത്യാസമുണ്ട്. ഡോ. ആൽഡലി പറയുന്നതനുസരിച്ച്, ഈ വേദന ആഴമേറിയതും സ്ഥിരവുമായിരിക്കും. രാത്രിയിലോ വിശ്രമവേളയിലോ ഇത് വഷളാകാം. രണ്ടോ മൂന്നോ ആഴ്ചയിൽ കൂടുതൽ ഇത് നീണ്ടുനിന്നേക്കാം.

കൂടാതെ, താഴെ പറയുന്ന ലക്ഷണങ്ങൾ കണ്ടാൽ ഉടൻ വിദഗ്ധ പരിശോധന തേടണം:

• വീക്കം (Swelling).
• ഭാരം കുറയൽ (Weight loss).
• കടുത്ത ക്ഷീണം അല്ലെങ്കിൽ രാത്രിയിലെ അമിത വിയർപ്പ് (Night sweats).
• ഒടിവുകൾ സംഭവിക്കുന്നത്.

ALSO READ: ഒമാനിലെ മുസന്ദം ​ഗവർണറേറ്റിൽ ഭൂചലനം; യുഎഇയുടെ വിവിധ ഭാഗങ്ങളിലും പ്രകമ്പനം 

പ്രതിരോധവും ചികിത്സയും

അസ്ഥികളിലേക്ക് പടരാൻ ഏറ്റവും സാധ്യതയുള്ള കാൻസറുകൾ സ്തനങ്ങൾ, പ്രോസ്റ്റേറ്റ്, ശ്വാസകോശം, വൃക്ക, തൈറോയിഡ് എന്നിവയാണ്. ഇത്തരം രോഗവ്യാപനം തടയാനുള്ള ഏറ്റവും ഫലപ്രദമായ മാർഗ്ഗം നേരത്തെയുള്ള പരിശോധനയാണ് എന്നും ഡോക്ടർമാർ പറയുന്നു.

യുഎഇയിൽ, സ്ത്രീകളിൽ ഏറ്റവും കൂടുതൽ രോഗനിർണയം നടത്തുന്ന അർബുദം സ്തനാർബുദമാണ്. ഏകദേശം 20 ശതമാനം ഇമാറാത്തി സ്ത്രീകളും രോഗനിർണയ സമയത്ത് നാലാം ഘട്ട രോഗവുമായാണ് എത്തുന്നത്.

"ഓങ്കോളജി, റേഡിയോളജി, ഓർത്തോപീഡിക്സ്, പാലിയേറ്റീവ് കെയർ എന്നിവ ഉൾപ്പെടുന്ന ഒരു മൾട്ടി ഡിസിപ്ലിനറി ട്യൂമർ ബോർഡ് വഴിയാണ് രോഗികൾക്ക് സമഗ്രമായ പരിചരണം ഉറപ്പാക്കുന്നത്," ക്രിട്ടിക്കൽ കെയർ മെഡിസിൻ സ്പെഷ്യലിസ്റ്റ് ഡോ. മഹ്മൂദ് മേധാത് പറഞ്ഞു.

uae doctors urge residents to heed ongoing knee discomfort as a potential red flag for arthritis or joint issues. early detection via simple checks can prevent worsening—expert tips on symptoms, causes, and when to seek help for better mobility and pain-free living.