കൊല്‍ക്കത്ത: വോട്ടര്‍ പട്ടിക തീവ്രപരിഷ്‌കരണത്തിനെതിരെ (എസ്.ഐ.ആര്‍) കൂറ്റന്‍ റാലി സംഘടിപ്പിച്ച് പശ്ചിമ ബംഗാള്‍ മുഖ്യമന്ത്രി മമത ബാനര്‍ജി. തെരഞ്ഞെടുപ്പ് കമ്മീഷനെ കൂട്ടുപിടിച്ച് ബിജെപി നടത്തുന്ന അട്ടിമറിക്കെതിരെ ശക്തമായ പ്രതിരോധം തീര്‍ക്കുമെന്ന് മമത പറഞ്ഞു. ഭരണ ഘടന ഉയര്‍ത്തിപിടിച്ചാണ്
 കൊല്‍ക്കത്തയില്‍ തൃണമൂല്‍ കോണ്‍ഗ്രസ് റാലി സംഘടിപ്പിച്ചത്. 

ബംഗ്ലാ ഭാഷ സംസാരിക്കുന്നതിന്റെ പേരില്‍ രാജ്യത്തെ ജനങ്ങളെ ബംഗ്ലാദേശികളായി മുദ്ര കുത്തുകയാണ് കേന്ദ്ര സര്‍ക്കാരെന്ന് മമത പറഞ്ഞു. കൊള്ളക്കാരുടെ പാര്‍ട്ടിയാണ് ബിജെപിയെന്നും, സ്വാതന്ത്ര്യ സമരത്തില്‍ പോരാടാത്ത വിഡ്ഢികളാണ് ഇതിന് പിന്നിലെന്നും മമത പറഞ്ഞു. 

'' അസംഘടിത മേഖലയിലെ പല തൊഴിലാളികളും തങ്ങളുടെ പേരുകള്‍ നീക്കം ചെയ്യുമോ എന്ന പേടിയിലാണ്. ബംഗ്ലാ ഭാഷയില്‍ സംസാരിക്കുന്നവരെ ബംഗ്ലാദേശികളായി മുദ്രകുത്തുന്നു. ഹിന്ദിയിലോ പഞ്ചാബിയിലോ സംസാരിക്കുന്നവര്‍ പാകിസ്താനി ആവാത്ത പോലെ. ബംഗ്ലാ ഭാഷയില്‍ സംസാരിക്കുന്നവര്‍ ബംഗ്ലാദേശികളാവുന്നില്ല. 

ALSO READ: സ്പെഷ്യൽ അധ്യാപക നിയമനം: കേരളത്തിന് നൽകാനുള്ള തടഞ്ഞുവെച്ച ഫണ്ട് ഉടൻ നൽകാമെന്ന് - കേന്ദ്രം സുപ്രിംകോടതിയിൽ 

സ്വാതന്ത്രസമരത്തില്‍ പോരാടാത്ത വിഡ്ഢികളാണ് ഇതിന് പിന്നില്‍. സ്വാതന്ത്ര സമര കാലത്ത് ബിജെപി എവിടെയായിരുന്നു? അതുകൊണ്ടാണ് സ്വാതന്ത്ര്യത്തിന് മുന്‍പ് ഇന്ത്യയും ബംഗ്ലാദേശും പാകിസ്താനും ഒരേ ഭൂമിയുടെ ഭാഗമായിരുന്നതെന്ന് അവര്‍ക്ക് അറിയാത്തത്,' മമത ബാനര്‍ജി പറഞ്ഞു. 

അതേസമയം തൃണമൂല്‍ സംഘടിപ്പിച്ച എസ്.ഐ.ആര്‍ റാലിയില്‍ നിരവധി ജനങ്ങള്‍ പങ്കെടുത്തു. റെഡ് റോഡിലെ ബി ആര്‍ അംബേദ്കറുടെ പ്രതിമയ്ക്കരികില്‍ നിന്ന് ആരംഭിച്ച റാലി 3.8 കിലോമീറ്റര്‍ പിന്നിട്ടു. വ്യാജ ഏജന്‍സികളെ ഉപയോഗിച്ച് വ്യാജ വാര്‍ത്തകളും തെറ്റായ വിവരങ്ങളും പ്രചരിപ്പിച്ചതുകൊണ്ട് ബിജെപിക്ക് ബംഗാളില്‍ അധികാരത്തില്‍ വരാന്‍ സാധിക്കില്ലെന്നും മമത കൂട്ടിച്ചേര്‍ത്തു.

west bengal chief minister mamata banerjee held a massive rally against the voter list intense verification (s.i.r.).