പാലക്കാട്: ജോലി സമയത്ത് ഓണാഘോഷം പാടില്ലെന്ന മുഖ്യമന്ത്രിയുടെ നിര്‍ദേശം പാലിച്ച് സിവില്‍സ്റ്റേഷനില്‍ ജീവനക്കാരുടെ ഓണാഘോഷം, ഒപ്പം വകുപ്പ് മേധാവികളും. വകുപ്പുകളിലെ സൗഹൃദ കൂട്ടായ്മകളുടെ നേതൃത്വത്തിലാണ് ജോലി സമയത്തിന് മുന്‍പും പുറകിലുമായി ഓണാഘോഷം സംഘടിപ്പിച്ചത്.
അതത് വകുപ്പിന്റെ കാര്യാലയ ഹാളുകളില്‍ ജീവനക്കാര്‍ പൂക്കളമിടുകയും ചെയ്തു. വൈകിട്ട് അഞ്ചിന് ശേഷം കലാ കായിക പരിപാടികളും ഉണ്ടായിരുന്നു. മുഖ്യമന്ത്രിയുടെ നിര്‍ദേശം പാലിച്ചുകൊണ്ടുളള ജീവനക്കാരുടെ ഓണാഘോഷത്തില്‍ എല്ലാ ഉന്നത അധികാരികളും പങ്കെടുത്തു. സിവില്‍ സ്റ്റേഷനില്‍ വിവിധ ബ്ലോക്കുകളിലായി അഞ്ചു അത്തപ്പൂക്കളങ്ങളാണ് ജീവനക്കാര്‍ ഇന്നലെ രാത്രി മുതല്‍ ഒരുക്കിയത്. ഇതിന്റെ അവസാനവട്ട മിനുക്കുപണികളാണ് ഇന്ന് പൂര്‍ത്തിയായതും. ആഘോഷത്തിന്റെ ഉദ്ഘാടനം നടന്നതും പത്തുമണിക്കുമുന്‍പാണ്.