ഇന്ത്യൻ വനിതാ ക്രിക്കറ്റ് ടീമിലെ സൂപ്പർ താരവും ഓപ്പണറുമായ സ്‌മൃതി മന്ദാന കളിക്കളത്തിൽ മാത്രമല്ല, വരുമാനത്തിന്റെ കാര്യത്തിലും മുൻപന്തിയിലാണ്. തൻ്റെ പ്രകടനങ്ങളിലൂടെ ലോക ക്രിക്കറ്റിൽ നിരവധി റെക്കോർഡുകൾ തകർത്ത മന്ദാന, അടുത്തിടെ നടന്ന വനിതാ ലോകകപ്പിൽ ഇന്ത്യ കിരീടം നേടുന്നതിൽ നിർണായക പങ്ക് വഹിച്ചിരുന്നു. ടൂർണമെന്റിൽ ടീമിനായി ഏറ്റവും കൂടുതൽ സ്കോർ നേടിയ ബാറ്ററായിരുന്നു മന്ദാന.

 മൊത്തം ആസ്തിയും പ്രധാന വരുമാന സ്രോതസ്സുകളുംറിപ്പോർട്ടുകൾ പ്രകാരം,

സ്‌മൃതി മന്ദാനയുടെ മൊത്തം ആസ്തി ഏകദേശം 32 കോടി മുതൽ 34 കോടി രൂപ വരെയാണ്. ബിസിസിഐ സെൻട്രൽ കോൺട്രാക്റ്റ്, മാച്ച് ഫീസ്, വനിതാ പ്രീമിയർ ലീഗ് (WPL) ശമ്പളം, വൻകിട ബ്രാൻഡ് എൻഡോഴ്‌സ്‌മെൻ്റുകൾ എന്നിവയാണ് താരത്തിൻ്റെ പ്രധാന വരുമാന മാർഗ്ഗങ്ങൾ.

വരുമാന സ്രോതസ് വിവരങ്ങൾ

ബിസിസിഐ സെൻട്രൽ കോൺട്രാക്റ്റ്'എ ഗ്രേഡ്' കരാർ പ്രകാരം പ്രതിവർഷം 50 ലക്ഷം രൂപ റിട്ടൈനർ ശമ്പളമായി ലഭിക്കുന്നു.മാച്ച് ഫീസ്ടെസ്റ്റ്: 15 ലക്ഷം രൂപ, ഏകദിനം: 6 ലക്ഷം രൂപ, ടി20: 3 ലക്ഷം രൂപ (പുരുഷ താരങ്ങൾക്ക് തുല്യമായ നിരക്ക്).WPL വരുമാനം ഉദ്ഘാടന സീസണിൽ റോയൽ ചലഞ്ചേഴ്‌സ് ബെംഗളൂരു (RCB) 3.4 കോടി രൂപയ്ക്ക് സ്വന്തമാക്കി. ബ്രാൻഡ് എൻഡോഴ്‌സ്‌മെൻ്റുകൾഇന്ത്യൻ വനിതാ കായികതാരങ്ങളിൽ ഏറ്റവും ഡിമാൻഡുള്ള ബ്രാൻഡ് അംബാസഡർമാരിൽ ഒരാളാണ് സ്മൃതി മന്ദാന.പ്രധാന ബ്രാൻഡുകൾ: ഹ്യുണ്ടായ്, ഹീറോ മോട്ടോകോർപ്പ്, റെഡ് ബുൾ, ഗാർണിയർ, നൈക്ക്, മാസ്റ്റർകാർഡ്, ഹാവെൽസ്, റാങ്‌ലർ, ഗൾഫ് ഓയിൽ, ബാറ്റ പവർ, ഹെർബലൈഫ്, പിഎൻബി മെറ്റ്‌ലൈഫ്, ഇക്വിറ്റാസ് ബാങ്ക്, റെക്‌സോണ, യൂണിസെഫ് ഇന്ത്യ തുടങ്ങിയ മുൻനിര ബ്രാൻഡുകളുമായി കരാറുണ്ട്.ഫീസ്: ഇക്കണോമിക് ടൈംസ് റിപ്പോർട്ട് അനുസരിച്ച്, ഓരോ ബ്രാൻഡ് എൻഡോഴ്‌സ്‌മെൻ്റിനും താരം 75 ലക്ഷം രൂപ മുതൽ 1.5 കോടി രൂപ വരെയാണ് ഈടാക്കുന്നത്.

 പ്രോപ്പർട്ടികളും കാറുകളും

ആഡംബരങ്ങളോട് അമിതമായ താൽപര്യമില്ലാത്ത വ്യക്തിയാണ് സ്മൃതി മന്ദാന.താരത്തിൻ്റെ ജന്മനാടായ മഹാരാഷ്ട്രയിലെ സാംഗ്ലിയിലാണ് മന്ദാന താമസിക്കുന്നത്. സ്വകാര്യ ജിം, ഹോം തിയേറ്റർ, ലൈബ്രറി, പൂന്തോട്ടം തുടങ്ങിയ സൗകര്യങ്ങളുള്ള വീട് അവർക്ക് സ്വന്തമായുണ്ട്. ആഡംബര കാറുകളോട് അത്ര കമ്പമില്ലെങ്കിലും ഏകദേശം 70 ലക്ഷം രൂപ വിലവരുന്ന റേഞ്ച് റോവർ ഇവോക്കാണ് മന്ദാന സ്വന്തമായി ഉപയോഗിക്കുന്നത്. കൂടാതെ, അച്ഛനുവേണ്ടി ഒരു മാരുതി സുസുക്കി സ്വിഫ്റ്റും സഹോദരനുവേണ്ടി ഒരു ഹ്യുണ്ടായി ക്രെറ്റയും താരം വാങ്ങിയിരുന്നു.