ഈ വർഷത്തെ ഇംഗ്ലീഷ് പ്രീമിയർ ലീഗ് കിരീടം നേടുക ഏത് ടീമായിരിക്കുമെന്ന് പ്രവചിച്ചിരിക്കുകയാണ് പോർച്ചുഗീസ് ഇതിഹാസം ക്രിസ്റ്റ്യാനോ റൊണാൾഡോ. ഇത്തവണ ആഴ്‌സണൽ കിരീടം ഉയർത്തുമെന്നാണ് റൊണാൾഡോയുടെ പ്രവചനം. മാത്രമല്ല തന്റെ പഴയ ടീമായ മാഞ്ചസ്റ്റർ യുണൈറ്റഡ് കിരീടം നേടില്ലെന്നും റൊണാൾഡോ പറഞ്ഞു. പിയേഴ്‌സ് മോർഗനുമായുള്ള അഭിമുഖത്തിൽ സംസാരിക്കുകയായിരുന്നു റൊണാൾഡോ. 

"ഇംഗ്ലീഷ്‌ പ്രീമിയർ ലീഗിൽ എന്ത് സംഭവിക്കുമെന്ന് പറയാൻ കഴിയില്ല.  മാഞ്ചസ്റ്റർ യുണൈറ്റഡ് പ്രീമിയർ ലീഗ് നേടാൻ പോകുന്നില്ല. അവർ ഇപ്പോൾ പോയിന്റ് പട്ടികയിൽ വളരെ പിന്നിലാണ്. അത് സംഭവിക്കാൻ സാധ്യതയുണ്ടെങ്കിലും ഞാൻ അതിൽ വിശ്വസിക്കുന്നില്ല. ആഴ്‌സണലിന് ലീഗ് കിരീടം നേടാൻ കഴിയും" റൊണാൾഡോ പറഞ്ഞു. 

നിലവിൽ ഇംഗ്ലീഷ് പ്രീമിയർ ലീഗിൽ ഒന്നാം സ്ഥാനത്താണ് പീരങ്കിപട. 10 മത്സരങ്ങളിൽ നിന്നും എട്ട് വിജയവും ഓരോ വീതം ജയവും തോൽവിയുമായി 20 പോയിന്റോടെയാണ് ആഴ്‌സണൽ ഒന്നാം സ്ഥാനത്തുള്ളത്. അതേസമയം മാഞ്ചസ്റ്റർ യുണൈറ്റഡ് എട്ടാം സ്ഥാനത്തുമാണ്. 10 മത്സരങ്ങളിൽ നിന്നും അഞ്ചു വിജയവും രണ്ട് സമനിലയും മൂന്ന് തോൽവിയും അടക്കം 17 പോയിന്റാണ് റെഡ് ഡെവിൾസിന്റെ കൈവശമുള്ളത്. 

ഇംഗ്ലീഷ് പ്രിമീയർ ലീഗിൽ ഈ സീസണിൽ മാഞ്ചസ്റ്റർ യുണൈറ്റഡും ആഴ്സണലും നേർക്കുനേർ ഏറ്റുമുട്ടിയിരുന്നു. ഈ മത്സരത്തിൽ ആഴ്സണലിനൊപ്പമായിരുന്നു വിജയം. മാഞ്ചസ്റ്റർ യുണൈറ്റഡിനെ ഏകപക്ഷീയമായ ഒരു ഗോളിനാണ് ആഴ്‌സണൽ കീഴടക്കിയത്. 

മത്സരം തുടങ്ങി പതിമൂന്നാം മിനിറ്റിൽ തന്നെ ആഴ്‌സണൽ ലീഡ് നേടി. റിക്കാർഡോ കലാഫിയോറിയിലൂടെയാണ് ആഴ്‌സണൽ ലക്ഷ്യം കണ്ടത്. ബാക്കിയുള്ള നിമിഷങ്ങളിൽ ഈ ഒറ്റ ഗോളിന്റെ പിൻബലത്തിൽ ആഴ്‌സണൽ ശക്തമായി മത്സരത്തിൽ നിലയുറപ്പിക്കുകയായിരുന്നു. സമനില ഗോൾ നേടാനായി മാഞ്ചസ്റ്റർ യുണൈറ്റഡ് താരങ്ങൾ മികച്ച നീക്കങ്ങൾ നടത്തിയെങ്കിലും ഫിനിഷിങ്ങിൽ വന്ന പിഴവുകൾ റെഡ് ഡെവിൾസിന് തിരിച്ചടിയായി.  

Portuguese legend Cristiano Ronaldo has predicted which team will win this year's English Premier League title. Ronaldo's prediction is that Arsenal will lift the title this time. Ronaldo also said that his old team, Manchester United, will not win the title.