തിരുവനന്തപുരം: സംസ്ഥാനത്തെ തീവ്ര വോട്ടര്‍ പട്ടിക പരിഷ്‌കരണത്തിനെതിരേ നിയമ നടപടിക്കൊരുങ്ങി സംസ്ഥാന സര്‍ക്കാര്‍. സുപ്രിം കോടതിയെ സമീപിക്കുന്നതിനു മുന്നോടിയായി നിയമോപദേശം നേടാനും തീരുമാനിച്ചു. സര്‍വ കക്ഷിയോഗത്തെയാണ് മുഖ്യമന്ത്രി പിണറായി വിജയന്‍ ഇക്കാര്യം അറിയിച്ചിരിക്കുന്നത്. സര്‍ക്കാര്‍ കോടതിയെ സമീപിച്ചാല്‍ കക്ഷിചേരുമെന്നും പ്രതിപക്ഷ നേതാവും നിലപാടറിയിച്ചിട്ടുണ്ട്.

ബിജെപി ഒഴികെയുള്ള എല്ലാ രാഷ്ട്രീയപാര്‍ട്ടികളും എസ്‌ഐആറിനെതിരെ രംഗത്തു വന്നിരുന്നു. തദ്ദേശ തെരഞ്ഞെടുപ്പ് അടുത്തിരിക്കെ എസ്‌ഐആര്‍ നടപ്പാക്കേണ്ട സാഹചര്യം ഇല്ലെന്നാണ് ബിജെപി ഒഴികെയുള്ള രാഷ്ട്രീയ പാര്‍ട്ടികളെല്ലാം ഉന്നയിക്കുന്നത്. മുഖ്യതെരഞ്ഞെടുപ്പ് ഓഫിസര്‍ വിളിച്ച രാഷ്ട്രീയ പാര്‍ട്ടികളുടെ യോഗത്തിലെ പ്രധാന ആവശ്യവും ഇതു തന്നെയായിരുന്നു.

ALSO READ: എസ്.ഐ.ആർ: ബി.എൽ.ഒമാർ രാത്രിയും വീടുകളിലെത്തും

ഇക്കാര്യം മുഖ്യതിരഞ്ഞെടുപ്പ് ഓഫീസറെ അറിയിക്കുകയും ചെയ്തിരുന്നു. എസ്‌ഐആര്‍ നടപ്പാക്കുന്നത് ജനങ്ങളോടുള്ള വെല്ലുവിളിയാണെന്ന് മുഖ്യമന്ത്രിയും നേരത്തേ വ്യക്തമാക്കിയതാണ്. കഴിഞ്ഞ ലോക്‌സഭ തെരഞ്ഞെടുപ്പിന്നു മുന്നോടിയായി പുതുക്കിയ വോട്ടര്‍പട്ടിക നിലവിലുണ്ടെന്നും 2002ലെ പട്ടിക അടിസ്ഥാനമാക്കി തീവ്ര വോട്ടര്‍ പട്ടിക പരിഷ്‌കരണം നടപ്പാക്കാനുള്ള നീക്കം അശാസ്ത്രീയവും ദുരുദ്ദേശപരമാണെന്നും മുഖ്യമന്ത്രി ഇന്നലെ നടന്ന സര്‍വകക്ഷി യോഗത്തില്‍ വ്യക്തമാക്കുകയായിരുന്നു.

The Kerala state government is preparing to take legal action against the intensive voter list revision (SIR). Chief Minister Pinarayi Vijayan informed the all-party meeting that the government will seek legal advice before approaching the Supreme Court. The opposition leader also stated that the opposition would support the move if the government proceeds legally.