മനാമ: ബഹ്‌റൈനില്‍ ജോലി ചെയ്യുന്നവരുടെ കുടുംബത്തെ കൊണ്ടുവരുന്നതിനുള്ള വരുമാന മാനദണ്ഡം ഉയര്‍ത്താനുള്ള നിര്‍ദേശത്തിന് പാര്‍ലമെന്റിന്റെ അംഗീകാരം ലഭിച്ചു. തൊഴിലാളികള്‍ക്കോ തൊഴിലുടമകള്‍ക്കോ ഉള്ള ഏറ്റവും കുറഞ്ഞ പ്രതിമാസ വരുമാന മാനദണ്ഡം 1,000 ബഹ്‌റൈനി ദിനാര്‍ (ഏകദേശം 2.34 ലക്ഷം രൂപ) ആയി ഉയര്‍ത്താനുള്ള അടിയന്തര നിര്‍ദേശമാണ് ഇന്നലെ പാര്‍ലമെന്റ് ഏകകണ്ഠമായി അംഗീകരിച്ചത്. കുടുംബാംഗങ്ങളുടെ രാജ്യത്തേക്കുള്ള പ്രവേശനം, താമസം, സ്‌പോണ്‍സര്‍ഷിപ്പ് എന്നിവയ്ക്കുള്ള വരുമാന മാനദണ്ഡമാണിത്. സ്‌പോണ്‍സര്‍ ചെയ്യുന്ന ഓരോ വ്യക്തിക്കും നിര്‍ബന്ധിത ആരോഗ്യ ഇന്‍ഷുറന്‍സ് വേണമെന്ന വ്യവസ്ഥയും നിര്‍ദേശത്തില്‍ ഉള്‍പ്പെടുന്നു.

സ്ട്രാറ്റജിക് തിങ്കിംഗ് ബ്ലോക്ക് വക്താവ് എംപി ഖാലിദ് ബു ഓങ്കിന്റെ നേതൃത്വത്തില്‍ അഞ്ച് എംപിമാരാണ് നിര്‍ദേശം അവതരിപ്പിച്ചത്. പാര്‍ലമെന്റ് അംഗീകാരത്തെത്തുടര്‍ന്ന് നിര്‍ദേശം മന്ത്രിസഭയുടെ അവലോകനത്തിനായി കൈമാറി.

താഴ്ന്ന വരുമാനമുള്ള പ്രവാസി തൊഴിലാളികളുടെ ആശ്രിതരുടെ എണ്ണം വര്‍ദ്ധിക്കുന്നത് പൊതു സേവനങ്ങളില്‍, പ്രത്യേകിച്ച് ആരോഗ്യ സംരക്ഷണം, വിദ്യാഭ്യാസം എന്നിവയില്‍ വലിയ സമ്മര്‍ദ്ദം നല്‍കുന്നുണ്ടെന്ന് എംപിമാര്‍ ചൂണ്ടിക്കാട്ടി. രാജ്യത്തെ വിഭവങ്ങളുടെ മേല്‍ അമിതഭാരം ചെലുത്താതെ, ബഹ്‌റൈനിലെ സ്വദേശികളും പ്രവാസികളും ഒരുപോലെയുള്ള ജീവിത നിലവാരം ആസ്വദിക്കുന്നുണ്ടെന്ന് ഉറപ്പാക്കുക എന്നതാണ് ലക്ഷ്യമെന്നും എംപിമാര്‍ പറഞ്ഞു.

ALSO READ: 12 ദിവസത്തെ ആഗോള അക്ഷരോത്സവം; ഷാര്‍ജ രാജ്യാന്തര പുസ്തകമേളയ്ക്ക് തുടക്കം

An urgent proposal to raise the minimum monthly income requirement for foreign workers or employers to BD1,000 as a condition for the entry, residence and sponsorship of family members, has been approved unanimously by MPs yesterday. The proposal presented by five MPs, led by Strategic Thinking Bloc spokesman MP Khalid Bu Onk, also includes a provision requiring mandatory health insurance for each sponsored individual.