വെഞ്ഞാറമൂട്: വാമനപുരം എക്‌സൈസ് നടത്തിയ റെയ്ഡില്‍ അനധികൃതമായി സൂക്ഷിച്ചിരുന്ന 250 ലിറ്റര്‍ അരിഷ്ടവും രണ്ട് ലിറ്റര്‍ വിദേശ മദ്യവും പിടിച്ചെടുത്തു.
സംഭവവുമായി ബന്ധപ്പെട്ട് രണ്ടു പേര്‍ അറസ്റ്റില്‍. മദ്യവില്‍പ്പന നിരോധിച്ചിട്ടുളള ദിവസത്തില്‍ അനധികൃതമായി മദ്യം സൂക്ഷിക്കുകയും വില്‍പ്പന നടത്തുകയും ചെയ്തതിന് പുളിമാത്ത് വാവുപാറ തടത്തരികത്ത് വീട്ടില്‍ ശ്രീധരന്‍ പിള്ള (60), അനധികൃതമായി അരിഷ്ടം സൂക്ഷിച്ചതിന് കാരേറ്റ് വാഴപ്പള്ളി ബിജില്‍ ഭവനില്‍ ഗിരീശന്‍ (46) എന്നിവരാണ് അറസ്റ്റിലായത്. എക്‌സൈസ് ഇന്‍സ്‌പെക്ടര്‍ പി. കൃഷ്ണന്‍ നായരുടെ നേതൃത്വത്തിലായിരുന്നു പരിശോധന. പ്രതികളെ നെടുമങ്ങാട് കോടതിയില്‍ ഹാജരാക്കി.