കുറ്റ്യാടി: തൊഴിലുറപ്പ് പണിക്കിടെ പാമ്പുകടിയേറ്റ് ചികിത്സയിലായിരുന്ന വയോധിക മരിച്ചു. കാവിലുമ്പാറ പഞ്ചായത്തിലെ പൂതമ്പാറയിലെ വലിയപറമ്പത്ത് കല്യാണി (65)യാണ് മരിച്ചത്. കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു. 

ചൊവ്വാഴ്ച്ചയാണ് ജോലിക്കിടെ കല്യാണിയെ അണലി കടിച്ചത്. ചൂരണി പ്രദേശത്തെ കൃഷി തോട്ടത്തില്‍ കയ്യാല നന്നാക്കാന്‍ മണ്ണ് കിളക്കുന്നതിനിടെയാണ് പാമ്പിന്റെ കടിയേറ്റത്. ഒപ്പമുണ്ടായിരുന്നവര്‍ ഉടനെ സമീപത്തെ വിഷവൈദ്യനെ കാണിക്കുകയും, തുടര്‍ന്ന് കുറ്റ്യാടി ഗവ താലൂക്ക് ആശുപത്രിയില്‍ പ്രവേശിപ്പിക്കുകയും ചെയ്തു. പ്രഥമിക ചികിത്സകള്‍ക്ക് ശേഷം മെഡിക്കല്‍ കോളജിലേക്ക് മാറ്റുകയായിരുന്നു. തുടര്‍ന്ന് ചികിത്സയിലിരിക്കെ ബുധനാഴ്ച്ച രാത്രിയോടെ മരണം സംഭവിച്ചു. 

ALSO READ: ബിജെപി മുന്‍ എംപിക്ക് ഡല്‍ഹിയിലും, ബിഹാറിലും വോട്ട്; തട്ടിപ്പ് പുറത്തായത് സോഷ്യല്‍ മീഡിയ പോസ്റ്റില്‍; പരാതി  

ഭര്‍ത്താവ്: ചാത്തു. മക്കള്‍: ബിജു, ബിനു, ബിജിലി. മരുമക്കള്‍: ബിന്ധിക, സജേഷ്.

A 65-year-old woman named Kalyani from Kavilumpara panchayat died after being bitten by a snake while working under the employment guarantee scheme. She passed away during treatment at Kozhikode Medical College.