ഡല്‍ഹി: തെരുവുനായ വിഷയത്തില്‍ സുപ്രധാന ഉത്തരവുമായി സുപ്രിം കോടതി. പൊതു ഇടങ്ങളില്‍ നിന്ന് തെരുവ് നായ്ക്കളെ നീക്കണമെന്നാണ് ഉത്തരവ്. വിദ്യാഭ്യാസ സ്ഥാപനങ്ങള്‍, ആശുപത്രി, ബസ് സ്റ്റാന്‍ഡ്, ഡിപ്പോ, റെയില്‍വേ സ്‌റ്റേഷന്‍ തുടങ്ങി പൊതു ഇടങ്ങളില്‍ നിന്നെല്ലാം തെരുവ് നായ്ക്കളെ നീക്കണമെന്നാണ് ഉത്തരവില്‍ പറയുന്നത്. കന്നുകാലികളേയും മാറ്റണമെന്നും നിര്‍ദ്ദേശിക്കുന്നു. പിടികൂടിയ നായകളെ പൊതുവിടങ്ങളില്‍ തുറന്നു വിടരുതെന്നും സുപ്രിം കോടതി സ്വമേധയാ സ്വീകരിച്ച കേസിലാണ് ഇടക്കാല ഉത്തരവില്‍ വ്യക്തമാക്കുന്നു. 

ALSO READ: 'പശ്ചിമബംഗാളിലെ മുഴുവന്‍ ആളുകളും പൂരിപ്പിക്കാതെ എസ്.ഐ.ആര്‍ ഫോം പൂരിപ്പിക്കില്ല' പ്രഖ്യാപനവുമായി മമത

ദേശീയ പാതകളില്‍നിന്ന് കന്നുകാലികളെയും നായകളെയും മാറ്റണം. ഇതിന് സര്‍ക്കാരുകളും ദേശീയപാത അതോറിറ്റികളും നടപടി സ്വീകരിക്കണം. വിദ്യാഭ്യാസ സ്ഥാപനങ്ങളിലടക്കം നായകള്‍ പ്രവേശിക്കാതിരിക്കാന്‍ വേണ്ടിയുള്ള നടപടികള്‍ സ്വീകരിക്കണം. സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും ചീഫ് സെക്രട്ടറിമാര്‍ ഇത് കര്‍ശനമായി പാലിക്കുന്നുണ്ടെന്ന് ഉറപ്പുവരുത്തണം -കോടതി ഉത്തരവില്‍ വ്യക്തമാക്കുന്നു. 

അല്ലാത്തപക്ഷം ഉദ്യോഗസ്ഥര്‍ ഉത്തരവാദികള്‍ ആയിരിക്കുമെന്നും കോടതി ചൂണ്ടിക്കാട്ടുന്നു. നിര്‍ദ്ദേശങ്ങള്‍ നടപ്പിലാക്കുന്നതിനായുള്ള പദ്ധതികള്‍ വിശദീകരിച്ച് തല്‍സ്ഥിതി റിപ്പോര്‍ട്ട് 8 ആഴ്ചയ്ക്കുള്ളില്‍ സമര്‍പ്പിക്കണം. നായകള്‍ പ്രവേശിക്കാതിരിക്കാന്‍ വേണ്ടിയുള്ള ഫെന്‍സിങ് ഉറപ്പാക്കണമെന്നും കോടതി ഉത്തരവിട്ടു.

the supreme court of india has directed authorities to remove stray dogs from public areas, sterilize them, and relocate them to shelters. the court ordered that the process be completed within two weeks to ensure public safety and animal welfare.