ക്രിസ്റ്റ്യാനോ റൊണാൾഡോ, ലയണൽ മെസി ഇവരിൽ ആരാണ് ഏറ്റവും മികച്ച താരം എന്നത് ഫുട്ബോൾ ലോകത്ത് രണ്ട് പതിറ്റാണ്ടുകളായി സജീവമായി നിലനിൽക്കുന്ന ചർച്ചാവിഷയമാണ്. റൊണാൾഡോയാണോ മെസിയാണോ ഫുട്ബോളിലെ മികച്ച താരം എന്ന ചോദ്യത്തിന് മറുപടി നൽകിയിരിക്കുകയാണ് ലിവർപൂളിന്റെ ഇറ്റാലിയൻ സൂപ്പർതാരം ഫെഡറിക്കോ ചിയെസെ. റൊണാൾഡൊക്കൊപ്പം കളിക്കുന്നത് അത്ഭുതകരമാണെന്നും എന്നാൽ മികച്ച താരം മെസിയുമാണെന്നാണ് ഇറ്റാലിയൻ താരം അഭിപ്രായപ്പെട്ടത്. സ്‌കൈ സ്പോർട്സിന് നൽകിയ അഭിമുഖത്തിൽ സംസാരിക്കുകയായിരുന്നു  

''ഞാൻ റൊണാൾഡൊക്കൊപ്പം കളിച്ചിട്ടുണ്ട്. അദ്ദേഹത്തോടൊപ്പം കളിക്കുന്നത് അത്ഭുതകരമായ കാര്യമായിരുന്നു. അവർ രണ്ട് പേരും ചരിത്രത്തിലെ ഏറ്റവും മികച്ച താരങ്ങളാണ്. എന്നാൽ സത്യം പറഞ്ഞാൽ ലയണൽ മെസിയാണ് ചരിത്രത്തിലെ ഏറ്റവും മികച്ച ഫുട്ബോൾ താരമെന്ന് എനിക്ക് പറയേണ്ടി വരും'' ലിവർപൂൾ താരം പറഞ്ഞു. 

നിലവിൽ അമേരിക്കൻ ക്ലബ് ഇന്റർ മയാമിയുടെ താരമാണ് മെസി. 2023ലാണ് മെസി പിഎസ്ജിയിൽ നിന്നും ഇന്റർ മയാമിക്കൊപ്പം ചേരുന്നത്. അമേരിക്കൻ ക്ലബിനൊപ്പം മിന്നും പ്രകടനമാണ് മെസി നടത്തിക്കൊണ്ടിരിക്കുന്നത്. മെസിയുടെ വരവോടെ ഇന്റർ മയാമി ലീഗിൽ മിന്നും പ്രകടനമായിരുന്നു നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. 

നാഷ്വില്ലക്കെതിരെയുള്ള അവസാന മത്സരത്തിൽ ഇരട്ട ഗോൾ നേടി മെസി തിളങ്ങിയിരുന്നു. ഇതോടെ ഒരു കലണ്ടർ ഇയറിൽ എല്ലാ മത്സരങ്ങളിലും നിന്നുമായി ഏറ്റവും കൂടുതൽ ഗോളുകൾ നേടുന്ന എംഎൽഎസ് താരമെന്ന നേട്ടവും മെസി കൈവരിച്ചു. 39 ഗോളുകളാണ് ഈ വർഷം മെസിയുടെ ബൂട്ടുകളിൽ നിന്നും പിറന്നത്. ഡെന്നിസ് ബൗംഗ, കാർലോസ് വെല എന്നിവരെയാണ് മെസി ഈ റെക്കോർഡിൽ മറികടന്നത്. ഇരുവരും ലോസ് എയ്‌ഞ്ചൽസിൽ കളിക്കുന്ന സമയത്താണ് ഈ ഗോൾ വേട്ട നടത്തിയത്. ഇരു താരങ്ങളും 38 ഗോളുകളാണ് നേടിയത്. 

Who is the best player between Cristiano Ronaldo and Lionel Messi has been an active debate in the world of football for two decades. Liverpool's Italian superstar Federico Chiesa has answered the question of whether Ronaldo or Messi is the best player in football.