പാരീസ്: ലോകത്ത് എവിടെപ്പോയാലും ഇന്ത്യക്കാര്‍ക്ക് ഒഴിവാക്കാന്‍ പറ്റാത്ത ചില ശീലങ്ങളുണ്ട്. അത്തരമൊരു ശീലത്തെ കുറിച്ചുള്ള വീഡിയോയാണ് സോഷ്യല്‍ മീഡിയയില്‍ ഇപ്പോള്‍ വൈറലായിരിക്കുന്നത്. അതും ഫ്രാന്‍സിന്റെ ഒന്നാം നിര നഗരമായ ലിയോണില്‍നിന്ന്. ഭര്‍ത്താവിനൊപ്പം ലിയോണിലെത്തിയ ഇന്ത്യന്‍ യുവതി വസ്ത്രങ്ങള്‍ അലക്കി അത് ബാല്‍ക്കണിയില്‍ ഉണക്കാനിട്ടതും അത് തമാശയോടെ ഭര്‍ത്താവ് അവതരിപ്പിക്കുന്നതുമാണ് വിഡിയോയില്‍ കാണിക്കുന്നത്.

'ഇവിടെ വസ്ത്രം പുറത്ത് ഉണക്കാന്‍ പാടില്ല' - ഭര്‍ത്താവ് പറയുമ്പോള്‍ അവള്‍ ചിരിച്ചുകൊണ്ട് മറുപടി നല്‍കി, 'ആരും പരാതിപ്പെടുന്നുണ്ടോ എന്ന് കാണാം!'- ഇന്‍സ്റ്റഗ്രാമില്‍ വൈറലായ വീഡിയോയിലെ രസകരമായ നിമിഷമാണിത്.

ഫ്രാന്‍സിലെ ലിയോണില്‍ താമസിക്കുന്ന ഇന്ത്യന്‍ ദമ്പതികളാണ് വീഡിയോയിലെ കഥാപാത്രങ്ങള്‍. ഇന്ത്യന്‍ സ്ത്രീ തുണികള്‍ കഴുകി സൂര്യപ്രകാശത്തില്‍ ഉണക്കാനായി ബാല്‍ക്കണിയില്‍ കെട്ടിയ കയറില്‍ തൂക്കുകയാണ് വീഡിയോയില്‍ കാണുന്നത്. 'എന്താണ് നീ ചെയ്യുന്നത്?' എന്ന് ഭര്‍ത്താവ് ചോദിക്കുമ്പോള്‍, അവള്‍ ചിരിച്ചുകൊണ്ട് മറുപടി പറയുന്നു: 'കപ്പഡേ സുഖാ രഹി ഹൂം (ഞാന്‍ വസ്ത്രം ഉണക്കുകയാണ്).'

ഭര്‍ത്താവ് അല്പം അസ്വസ്ഥനായി ചോദിക്കുന്നു: 'ഇവിടെ ആരാണ് നിന്നോട് വസ്ത്രം ഉണക്കാനിടാന്‍ പറഞ്ഞത്.?
'ഇവിടെ വാഷിംഗ് മെഷീന്‍ ഉപയോഗിക്കാന്‍ വളരെ പണം വേണം, ഒരു ലോഡിന് 300 മുതല്‍ 400 വരെ. അതിനാല്‍ ഞാന്‍ തന്നെ കഴുകി ഉണക്കി...'- അവള്‍ തെല്ല് അഭിമാനത്തോടെ മറുപടി നല്‍കി.
ഇതോടെ ഭര്‍ത്താവ്: 'ഇവിടെ ഇതുപോലെ വസ്ത്രം പുറത്തു തൂക്കിയിടുന്നത് അനുവദനീയമല്ല...!
ഭാര്യ: 'അതിന് ആരെങ്കിലും ഫ്രഞ്ച് ഭാഷയില്‍ വന്ന് ശകാരിച്ചാല്‍ ശാന്തമായി കേട്ടോളാം, കാരണം അവര്‍ പറയുന്നത് മനസ്സിലാവില്ലല്ലോ!'

 'ഫ്രാന്‍സില്‍, വീടിന്റെ ടെറസില്‍ വസ്ത്രങ്ങള്‍ ഉണക്കാനിട്ടതിന് ഭര്‍ത്താവ് എന്നെ ശകാരിച്ചു' എന്ന അടിക്കുറിപ്പോടെയാണ് യുവതി വിഡിയോ പങ്കുവച്ചത്. അതിന് ഭര്‍ത്താവ് ഇങ്ങനെ അഭിപ്രായപ്പെട്ടു: 'നിങ്ങളുടെ ഭാര്യയെ വിദേശത്തേക്ക് കൊണ്ടുവരുന്നതിന് മുമ്പ് നൂറ് തവണ ചിന്തിക്കുക.' അതിന് കിട്ടുന്ന കമന്റുകളും രസകരമാണ്.

 

 

 

 

 

View this post on Instagram

 

 

 

 

 

 

 

 

 

 

 

A post shared by Naina Rajput (@rasana_ajay)

An Indian couple in Lyon, France, has gone viral on Instagram after the wife was seen hanging freshly washed clothes on their balcony — something her husband warned was not allowed there. When he told her it’s forbidden to dry clothes outside, she laughed and replied, “Let’s see if anyone complains!” The funny exchange, highlighting how Indian habits travel everywhere, has amused viewers online. The woman even joked that if someone scolds her in French, she’ll just listen calmly since she won’t understand a word!