ഇന്ത്യൻ ലോക കപ്പ് ഹീറോ ജെമിമ റോഡ്രിഗസ് മറ്റൊരു ടീമിനായി കളിക്കാനൊരുങ്ങുന്നു. വിമൺസ് ബിഗ് ബാഷ് ലീഗ് കളിക്കാനാണ് ജെമിമ തയ്യാറെടുക്കന്നത്. ബ്രിസ്ബേൻ ഹീറ്റിനായാണ് താരം കളത്തിൽ ഇറങ്ങുക. കഴിഞ്ഞ സീസണിൽ ടീമിനൊപ്പം മികച്ച പ്രകടനം നടത്താൻ ജെമിമക്ക് സാധിച്ചിരുന്നു. കഴിഞ്ഞ സീസണിൽ 10 മത്സരങ്ങളിൽ നിന്നും 267 റൺസാണ് താരം നേടിയത്. നവംബർ ഒമ്പതിയാണ് ജെമിമയുടെ ടീം ടൂർണമെന്റിലെ ആദ്യ മത്സരത്തിനിറങ്ങുന്നത്. മെൽബൺ റെനഗേഡ്‌സാണ് ആദ്യ മത്സരത്തിലെ എതിരാളികൾ. 

അടുത്തിടെ അവസാനിച്ച ഐസിസി വനിത ഏകദിന ലോകകപ്പിൽ ഇന്ത്യക്കായി സെമി ഫൈനലിൽ മികച്ച പ്രകടനം പുറത്തെടുക്കാൻ ജെമിമക്ക് സാധിച്ചിരുന്നു. സെമിയിൽ ഓസ്‌ട്രേലിയക്കെതിരെ സെഞ്ച്വറി നേടിയാണ് താരം തിളങ്ങിയത്. 134 പന്തിൽ പുറത്താവാതെ 127 റൺസ് നേടിയാണ് ജെമീമ ഇന്ത്യയുടെ വിജയശിൽപിയായത്. 14 ഫോറുകളാണ് താരത്തിന്റെ ബാറ്റിൽ നിന്നും പിറന്നത്. ഈ തകർപ്പൻ പ്രകടനങ്ങൾക്ക് പിന്നാലെ മത്സരത്തിലെ പ്ലെയർ ഓഫ് മാച്ച് അവാർഡും ജെമീമയാണ് സ്വന്തമാക്കിയത്.

ഇതോടെ ഐസിസി നോക്ക് ഔട്ട്‌ മത്സരങ്ങളിൽ ഓസ്ട്രേലിയക്കെതിരെ പ്ലയെർ ഓഫ് ദി മാച്ച് അവാർഡ് സ്വന്തമാക്കുന്ന ഇതിഹാസതാരങ്ങളുടെ പട്ടികയിലേക്കും ജെമീമ കാലെടുത്തുവെച്ചു. ഈ നേട്ടത്തിലെത്തുന്ന അഞ്ചാമത്തെ ഇന്ത്യൻ താരമാണ് ജെമീമ. 1998 ചാമ്പ്യൻസ് ട്രോഫിയിൽ സച്ചിൻ ടെണ്ടുൽക്കറാണ് ആദ്യമായി ഐസിസി നോക്ക് ഔട്ട്‌ മത്സരങ്ങളിൽ ഇന്ത്യയ്ക്കായി കളിയിലെ താരമായി തെരഞ്ഞെടുക്കപ്പെട്ടത്.

 ഇന്ത്യൻ ഇതിഹാസം ഓൾ റൗണ്ടർ യുവരാജ് സിങ് മൂന്ന് തവണ ഈ നേട്ടം സ്വന്തമാക്കിയിട്ടുണ്ട്. 2000ത്തിലെ ഐസിസി ചാമ്പ്യൻസ് ട്രോഫിയിലും 2007 ടി-20 ലോകകപ്പിലും 2011 ഏകദിന ലോകകപ്പിലും ആണ് യുവരാജ് ഓസ്ട്രേലിയക്കെതിരെ പ്ലെയർ ഓഫ് മാച്ച് അവാർഡ് സ്വന്തമാക്കിയത്. 2017 ഐസിസി വനിതാ ലോകകപ്പിൽ ക്യാപ്റ്റൻ ഹർമൻ പ്രീത് കൗറും 2025 ഐസിസി ചാമ്പ്യൻസ് ട്രോഫിയിൽ വിരാട് കോഹ്‌ലിയും ഈ നേട്ടം ആവർത്തിച്ചു.

അതേസമയം ഫൈനലിൽ സൗത്ത് ആഫ്രിക്കയെ വീഴ്ത്തിയാണ് ഹർമൻപ്രീത് കൗറും സംഘവും കിരീടം ചൂടിയത്. സൗത്ത് ആഫ്രിക്കയെ 52 റൺസിനാണ് ഇന്ത്യ കീഴടക്കിയത്. മത്സരത്തിൽ ടോസ് നേടിയ സൗത്ത് ആഫ്രിക്ക ഇന്ത്യയെ ബാറ്റിങ്ങിനയക്കുകയായിരുന്നു. ആദ്യം ബാറ്റ് ചെയ്ത ഇന്ത്യ 50 ഓവറിൽ ഏഴ് വിക്കറ്റ് നഷ്ടത്തിൽ 298 റൺസ് ആണ് നേടിയത്. വിജയലക്ഷ്യം പിന്തുടർന്നിറങ്ങിയ സൗത്ത് ആഫ്രിക്ക 45.3 ഓവറിൽ 246 റൺസിന്‌ പുറത്താവുകയായിരുന്നു.  ചരിത്രത്തിലെ മൂന്നാം ലോകകപ്പ് ഫൈനലിലെത്തിയ ഇന്ത്യ ഇത്തവണ കിരീടം നേടിയാണ് മടങ്ങിയത്. ഇതിന് മുമ്പ് 2005ലും 2017ലുമാണ് ഇന്ത്യ ഫൈനൽ യോഗ്യത നേടിയിരുന്നത്. എന്നാൽ ഈ രണ്ട് ഫൈനലിലും ഇന്ത്യ പരാജയപ്പെടുകയായിരുന്നു. 

Indian World Cup hero Jemimah Rodrigues is set to play for another team. Jemimah is preparing to play in the Women's Big Bash League. She will be playing for Brisbane Heat. Jemimah had a good performance with the team last season.