പട്‌ന/ന്യൂഡൽഹി: ബിഹാർ നിയമസഭാ തെരഞ്ഞെടുപ്പിന്റെ ഒന്നാം ഘട്ട വോട്ടെടുപ്പിന് മുമ്പ്, അതായത് കൃത്യം നവംബർ 3ന് ഡൽഹിയിൽനിന്നും ഹരിയാനയിൽ നിന്നുമായി ബിഹാറിലേക്ക് 4 പ്രത്യേക ട്രെയിനുകൾ സർവീസ് നടത്തിയതിൽ ചോദ്യങ്ങളുയർത്തി മുതിർന്ന അഭിഭാഷകനും രാജ്യസഭാ എം.പിയുമായ കപിൽ സിബൽ. ഇത് വോട്ട് കൊള്ളയുടെ ഭാഗമാണോ എന്നാണ് കപിൽ സിബൽ ചോദിക്കുന്നത്. ഈ ട്രെയിനുകളിൽ 6000 യാത്രക്കാരുണ്ടായിരുന്നു, ഇവർ യഥാർഥത്തിൽ വോട്ടർമാരായിരുന്നോ?, പിന്നിൽ ആസൂത്രിതമായ ഓപ്പറേഷനാണോ നടന്നിരുന്നത് തുടങ്ങിയ സംശയങ്ങളാണ് സിബൽ പ്രകടിപ്പിക്കുന്നത്. 

ALSO READ: അരിയിൽ ഷുക്കൂർ വധക്കേസ്: പ്രതിയെ മേഖലാ സെക്രട്ടറിയാക്കി ഡിവൈഎഫ്‌ഐ

ഛഠ് പൂജ പോലുള്ള ഉത്സവ സീസണിൽപ്പോലും ഇത്തരം സ്‌പെഷ്യൽ ട്രെയിനുകൾ ഓടാറില്ലെന്ന് സിബൽ ചൂണ്ടിക്കാട്ടി. കേന്ദ്ര റെയിൽവേ മന്ത്രി ഇതിന് മറുപടി നൽകണമെന്ന് അദ്ദേഹം ആവശ്യപ്പെട്ടു. ബിഹാർ തെരഞ്ഞെടുപ്പിന് മുമ്പ് ലോക്‌സഭ പ്രതിപക്ഷ നേതാവ് രാഹുൽ ഗാന്ധി വോട്ടർകൊള്ള നടക്കാനുള്ള സാധ്യത ഉയർത്തിയ പശ്ചാത്തലത്തിൽ കോൺഗ്രസ് നേതാക്കൾ കൂട്ടത്തോടെ ബിജെപിക്കെതിരെ രംഗത്തെത്തി. മുൻ കേന്ദ്ര നിയമമന്ത്രി കൂടിയായ സിബൽ, സോഷ്യൽ മീഡിയയിലൂടെയും പത്രസമ്മേളനങ്ങളിലൂടെയുമാണ് റെയിൽവേയോട് ചോദ്യങ്ങൾ ഉയർത്തിയത്.

കപിൽ സിബൽ ഉന്നയിച്ച ആരോപണങ്ങൾക്ക് റെയിൽവേ മന്ത്രാലയം മറുപടിയുമായി രംഗത്തെത്തി. ഉത്സവ സീസണിൽ പെട്ടെന്ന് തിരക്കുണ്ടായാൽ സ്‌പെഷ്യൽ ട്രെയിനുകൾ ഏർപ്പെടുത്തുന്നത് സാധാരണ നടപടിയാണെന്നാണ് മന്ത്രാലയ വൃത്തങ്ങൾ വ്യക്തമാക്കുന്നത്. ബിഹാറിലും ഇതേ രീതിയിലാണ് സർവീസ് നടത്തിയതെന്നാണ് മന്ത്രാലയം അറിയിച്ചത്. തെരഞ്ഞെടുപ്പുമായി ബന്ധപ്പെട്ട യാതൊരു ദുരുദ്ദേശ്യവുമില്ലെന്നാണ് റെയിൽവേ ഉദ്യോഗസ്ഥർ വാർത്താ ഏജൻസികളോട് പ്രതികരിച്ചത്.

അതേസമയം കപിൽ സിബൽ ഉന്നയിച്ച ആരോപണങ്ങളിൽ തെരഞ്ഞെടുപ്പ് കമ്മിഷൻ ഇതുവരെ ഔദ്യോഗിക പ്രതികരണം നൽകിയിട്ടില്ല. വോട്ടർ കൊള്ള ആരോപണങ്ങൾ ഗൗരവമായി അന്വേഷിക്കുമെന്നാണ് കമ്മിഷൻ പറയുന്നത്. ബിഹാർ തെരഞ്ഞെടുപ്പിന്റെ ഒന്നാം ഘട്ടം നവംബർ 28ന് നടക്കാനിരിക്കെ, കപിൽ സിബൽ ഉന്നയിച്ച ആരോപണങ്ങൾ ബിഹാർ തെരഞ്ഞെടുപ്പ് രാഷ്ട്രീയത്തിന്റെ ഭാവിയെ കുറിച്ചുള്ള ചർച്ചകൾക്ക് വഴി വച്ചേക്കും.

The core issue is the operation of four special trains carrying 6,000 passengers to Bihar just one day before an election. Senior politician Kapil Sibal raised questions regarding this move, implicitly suggesting that the timing and nature of these special trains—likely carrying migrant workers or voters—might have been orchestrated to influence the election outcome, raising concerns about the fairness of the electoral process.