കൊട്ടാരക്കര: സ്വാശ്രയ മെഡിക്കല്‍ സീറ്റുകളിലെ ഫീസ് വര്‍ധനവിനെതിരെ യൂത്ത് കോണ്‍ഗ്രസ് കൊട്ടാരക്കര അസംബ്ലികമ്മിറ്റിയുടെ നേത്യത്വത്തില്‍ കൊട്ടാരക്കര ജില്ലാ വിദ്യാഭ്യാസ ഓഫീസിലേക്ക് മാര്‍ച്ച് നടത്തി. കെ.പി.സി.സി സെക്രട്ടറി അഡ്വ. ഷാനവാസ് ഖാന്‍ ഉദ്ഘാടനം ചെയ്തു. കൊട്ടാരക്കര പുലമണ്‍ ജങ്ഷനില്‍ നിന്നും ആരംഭിച്ച മാര്‍ച്ച് ജില്ലാ വിദ്യാഭ്യാസ ഓഫിസിനു മുന്നില്‍ പൊലിസ് തടഞ്ഞു.
തുടര്‍ന്നു നടന്ന യോഗത്തില്‍ യൂത്ത് കോണ്‍ഗ്രസ് സംസ്ഥാന സെക്രട്ടറി അഡ്വ.സവിന്‍ സത്യന്‍ അധ്യക്ഷനായി. പെരുങ്കുളം ദിലീപ്, രതീഷ് കിളിത്തട്ടില്‍ , അഖില്‍ മൊട്ടകുഴി, ബിജു പടിഞ്ഞാറ്റിന്‍കര, നെല്‍സണ്‍ തോമസ്, എബി പ്ലാപ്പളി, ശിവകുമാര്‍, ഡി.സി.സി ജനറല്‍ സെക്രട്ടറിമാരായ അഡ്വ. ബിജേഷ് എബ്രഹാം, പാത്തല രാഘവന്‍, പെരുങ്കുളം സജിത്ത, നടുക്കുന്നില്‍ വിജയന്‍ തുടങ്ങിയവര്‍ സംസാരിച്ചു. പ്രതിഷേധ മാര്‍ച്ചിന് യൂത്ത് കോണ്‍ഗ്രസ് നേതാക്കളായ അജു ജോര്‍ജ്ജ്, സബിന്‍ ആനപ്പാറ, ഷിബിലി, രഞ്ജു, അനൂബ് നീലേശ്വരം, ജിജോ നിലേശ്വരം എന്നിവര്‍ നേതൃത്വം നല്‍കി.