കൊല്ലം: കാഷ്യൂ കോര്‍പറേഷന്‍, കാപ്പക്‌സ് ഫാക്ടറികളില്‍ 16 കോടി രൂപ ബോണസായി നല്‍കുമെന്ന് മന്ത്രി ജെ മേഴ്‌സിക്കുട്ടിയമ്മ അറിയിച്ചു.
കാഷ്യൂ കോര്‍പറേഷന്റെ 30 ഫാക്ടറികളിലും കാപ്പക്‌സിന്റെ 10 ഫാക്ടറികളിലുമാണ് പ്രവര്‍ത്തനം ആരംഭിച്ചത്. 40 ഫാക്ടറികളിലായി 16000 തൊഴിലാളികള്‍ക്ക് ബോണസ് നല്‍കുന്നതിനുള്ള എല്ലാ സജ്ജീകരണങ്ങളും പൂര്‍ത്തിയാക്കിയിട്ടുണ്ട്.
40 ഫാക്ടറികളില്‍ 32 ഫാക്ടറികളും കൊല്ലം ജില്ലയിലാണ്. 13000 തൊഴിലാളികള്‍ ഈ ഫാക്ടറികളില്‍ ജോലി ചെയ്യുന്നുണ്ട്. 14 കോടിയോളം രൂപ ജില്ലയില്‍ വിതരണം ചെയ്യുമെന്നും മന്ത്രി പറഞ്ഞു. ജില്ലയിലെ ബോണസ് വിതരണ സജ്ജീകരണങ്ങള്‍ പരിശോധിച്ച് സംസാരിക്കുകയായിരുന്നു മന്ത്രി.
കാഷ്യൂ കോര്‍പ്പറേഷന്റെ ബോണസ് വിതരണം ഇന്ന് ആരംഭിച്ച് നാളെ പൂര്‍ത്തീകരിക്കും. കാപ്പക്‌സിന്റെ പെരിനാട്, പെരുമ്പുഴ, കിളികൊല്ലൂര്‍,
നാവായിക്കുളം, ചെങ്ങമനാട് ഫാക്ടറികളിലെ ബോണസ് വിതരണം ഇന്നലെ മുതല്‍ ആരംഭിച്ചു.
ചാത്തന്നൂര്‍, ഇരവിപുരം, എരുവ, പത്തിയൂര്‍, ചാത്തിനാംകുളം ഫാക്ടറികളില്‍ ഇന്നു നടക്കും.