മസ്കത്ത്: സിവിൽ സ്റ്റാറ്റസ് നിയമത്തിലെ എക്സിക്യൂട്ടീവ് ചട്ടങ്ങളിലെ ചില വ്യവസ്ഥകൾ ഭേദഗതി ചെയ്യാനുള്ള തീരുമാനം പുറപ്പെടുവിച്ചിരിക്കുകയാണ് റോയൽ ഒമാൻ പൊലിസ് (ROP).

പുതിയ മാറ്റങ്ങൾ ഇങ്ങനെ

പേഴ്സണൽ ഐഡന്റിഫിക്കേഷൻ കാർഡ്: ഇനിമുതൽ വ്യക്തിഗത തിരിച്ചറിയൽ കാർഡിന് (Personal Identification Card) 10 വർഷം വരെ കാലാവധിയുണ്ടാകും.

റെസിഡൻസ് കാർഡ്: റെസിഡൻസ് കാർഡിൻ്റെ (Residence Card) പരമാവധി കാലാവധി 10 വർഷം ആയിരിക്കും. ഇത് ഡയറക്ടർ ജനറൽ നിർണ്ണയിക്കുന്ന വിഭാഗങ്ങളെയും നിയന്ത്രണങ്ങളെയും ആശ്രയിച്ചിരിക്കും.

ALSO READ: ഖസബ് തുറമുഖത്ത് ബോട്ട് കൂട്ടിയിടിച്ച് അപകടം: 15 യാത്രക്കാരെയും രക്ഷപ്പെടുത്തി ഒമാൻ കോസ്റ്റ് ​ഗാർഡ്

പുതിയ നിയമപ്രകാരം കാർഡുകളും സർട്ടിഫിക്കറ്റുകളും അനുവദിക്കുന്നതിനും പുതുക്കുന്നതിനും മാറ്റിസ്ഥാപിക്കുന്നതിനുമുള്ള ഫീസുകളും അധികൃതർ അറിയിച്ചിട്ടുണ്ട്.

പേഴ്സണൽ ഐഡന്റിഫിക്കേഷൻ കാർഡ്

ഇഷ്യൂചെയ്യാനും പുതുക്കാനും: 10 ഒമാനി റിയാൽ (10 വർഷം കാലാവധി).

നഷ്ടപ്പെട്ടതോ കേടായതോ ആയ കാർഡിന് പകരം നൽകേണ്ട തുക: 5 ഒമാനി റിയാൽ.

റെസിഡൻസ് കാർഡ്

ഇഷ്യൂചെയ്യാനും പുതുക്കാനും: പ്രതിവർഷം 5 ഒമാനി റിയാൽ ( പരമാവധി 10 വർഷം കാലാവധി).

നഷ്ടപ്പെട്ടതോ കേടായതോ ആയ കാർഡിന് പകരം നൽകേണ്ട തുക: 20 ഒമാനി റിയാൽ.

അതേസമയം, കാലാവധി കഴിഞ്ഞ് 30 ദിവസത്തിനകം കാർഡുടമകൾ കാർഡുകൾ പുതുക്കേണ്ടതുണ്ട്.

The Royal Oman Police (ROP) has issued a decision to amend certain provisions of the Executive Regulations of the Civil Status Law, introducing changes to ID and residence card validity periods and fees.