തൃപ്രയാര്‍: ഗ്രാമപഞ്ചായത്തിലെ കേരഗ്രാമം പദ്ധതിക്കായി ഒന്നരക്കോടി രൂപ വകയിരുത്തി. തെങ്ങിന് തടം തുറക്കല്‍, വളം, കീടനാശിനി, കുമ്മായം എന്നിവയുടെ വിതരണം, കേടായ തെങ്ങുകള്‍ മുറിച്ച് മാറ്റല്‍, കേര അപ്പെക്‌സ് സൊസൈറ്റി മുഖേന യന്ത്രസാമഗ്രികളുടെ വിതരണം എന്നിവക്കുമാണ് ഇനം തിരിച്ച് തുക വകയിരുത്തിയിട്ടുള്ളത്.പദ്ധതി നടപ്പാക്കുന്നതിനായി സംഘാടകസമിതി രൂപീകരിച്ചു. ബ്ലോക്ക് പഞ്ചായത്ത് പ്രസിഡന്റ് എം.ആര്‍ സുഭാഷിണി ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ഇ.കെ തോമസ് അധ്യക്ഷനായിരുന്നു.
കൃഷി ഡെപ്യൂട്ടി ഡയറക്ടര്‍ വി.ജെ ജോളി പദ്ധതി വിശദീകരണവും കൃഷി ഓഫിസര്‍ സി.ഡി മാലിനി പ്രവര്‍ത്തന റിപ്പോര്‍ട്ടും അവതരിപ്പിച്ചു. ഗ്രാമപഞ്ചായത്ത് വൈസ് പ്രസിഡന്റ് ബീന അജയഘോഷ്, സ്റ്റാന്റിംഗ് കമ്മിറ്റി ചെയര്‍മാന്‍മാരായ ജയഭാരതി, ഭാസ്‌കരന്‍, സി.കെ കുട്ടന്‍, അബ്ദുള്‍ മജീദ്, ബ്ലോക്ക് മെമ്പര്‍ പി.എം ശരത്കുമാര്‍, കേര അപ്പെക്‌സ് സൊസൈറ്റി പ്രസിഡന്റ് അബ്ദുള്‍ ഗഫൂര്‍, സെക്രട്ടറി അസീസ് പുറക്കുളം, കേരഗ്രാമം ഭാരവാഹികള്‍ പങ്കെടുത്തു.