ഇന്ത്യൻ സ്റ്റാർ ഓൾ റൗണ്ടർ രവീന്ദ്ര ജഡേജ ചെന്നൈ സൂപ്പർ കിങ്‌സ് വിടുമെന്ന വാർത്തകൾ ശക്തമായിരിക്കുകയാണ്. സഞ്ജു സാംസണെ ടീമിലെത്തിക്കാനായി ചെന്നൈ ജഡേജയെ രാജസ്ഥാൻ റോയൽസിന് കൈമാറുമെന്നാണ് റിപ്പോർട്ടുകൾ. ജഡേജക്ക് പുറമെ ഇംഗ്ലണ്ട് ഓൾ റൗണ്ടർ സാം കറനും രാജസ്ഥാനിലേക്ക് പോവും. ഇഎസ്പിഎൻ ക്രിക് ഇൻഫോയാണ് ഇക്കാര്യം റിപ്പോർട്ട് ചെയ്തത്. ഇപ്പോൾ ഈ വാർത്തകൾക്കിടയിൽ ജഡേജയെ ചെന്നൈ നിലനിർത്തണമെന്ന് ആവശ്യപ്പെട്ടിരിക്കുകയാണ് മുൻ ഇന്ത്യൻ താരം സുരേഷ് റെയ്‌ന. സ്റ്റാർ സ്പോർട്സിലൂടെയാണ് റെയ്‌ന ജഡേജയെക്കുറിച്ച് സംസാരിച്ചത്.

''രവീന്ദ്ര ജഡേജയെ ടീമിൽ വീണ്ടും നിലനിർത്തണം. അദ്ദേഹം ചെന്നൈ സൂപ്പർ കിങ്സിന്റെ മികച്ച താരമാണ്. വർഷങ്ങളായി അദ്ദേഹം ചെന്നൈക്കായി മികച്ച പ്രകടനം നടത്തിയിട്ടുണ്ട്. അതിനാൽ സാർ രവീന്ദ്ര ജഡേജ ടീമിൽ ഉണ്ടാകണം'' സുരേഷ് റെയ്ന പറഞ്ഞു. 

അതേസമയം ഈ ട്രാൻസ്ഫർ വാർത്തകൾക്കിടയിൽ ജഡേജ തന്റെ ഇൻസ്റ്റാഗ്രാം അക്കൗണ്ട് ഡീആക്ടറ്റിവേറ്റ് ചെയ്തു. ടീമിൽ നിലനിർത്തുന്നവരുടെയും ഒഴിവാക്കുന്നവരുടെയും പട്ടിക സമർപ്പിക്കാനുള്ള അവസാന തീയതി നവംബർ 15 ആണ്.

ഈ കൈമാറ്റം നടന്നാൽ, 16 വർഷത്തെ ഇടവേളയ്ക്ക് ശേഷം ജഡേജ രാജസ്ഥാൻ റോയൽസിലേക്ക് തിരിച്ചെത്തും. 2008ലും 2009ലും റോയൽസിൻ്റെ താരമായിരുന്നു ജഡേജ. പിന്നീട്, 2010 സീസണിൽ റോയൽസിനെ അറിയിക്കാതെ മുംബൈ ഇന്ത്യൻസിൻ്റെ ട്രയൽസിൽ പങ്കെടുത്തതിന് കരാർ ലംഘനം ആരോപിച്ച് റോയൽസ് ബിസിസിഐയെ സമീപിച്ചു. ഇതേത്തുടർന്ന് ബിസിസിഐ ജഡേജക്ക് ഒരു വർഷത്തേക്ക് ഐപിഎല്ലിൽ കളിക്കുന്നതിൽ നിന്ന്  വിലക്കേർപ്പെടുത്തി. 2012 മുതൽ ചെന്നൈ സൂപ്പർ കിംഗ്‌സിൻ്റെ പ്രധാന താരമാണ് ജഡേജ. എന്നാൽ, സിഎസ്‌കെയ്ക്ക് വിലക്ക് നേരിട്ട 2016, 2017 സീസണുകളിൽ ഗുജറാത്ത് ലയൺസിന് വേണ്ടിയാണ് ജഡേജ കളിച്ചത്. 

Indian star all-rounder Ravindra Jadeja is set to leave Chennai Super Kings. Reports suggest that Chennai will trade Jadeja to Rajasthan Royals to bring Sanju Samson into the team. Now, amidst these reports, former Indian player Suresh Raina has demanded that Jadeja be retained by Chennai.