ഷാർജ: ​ഗൾഫ് മേഖലയിലെ ഏറ്റവും പ്രധാനപ്പെട്ട ബജറ്റ് വിമാനക്കമ്പനികളിലൊന്നായ എയർ അറേബ്യ, തങ്ങളുടെ വിപുലീകരണ പദ്ധതികളുടെ ഭാഗമായി പ്രധാന റിക്രൂട്ട്‌മെന്റ് ഡ്രൈവ് ആരംഭിച്ചു. യുഎഇ, പാകിസ്ഥാൻ, സഊദി അറേബ്യ എന്നിവിടങ്ങളിലെ വിവിധ ഹബുകളിലേക്കായി A320 പൈലറ്റുമാർ, ക്യാബിൻ ക്രൂ, സാങ്കേതിക പ്രൊഫഷണലുകൾ എന്നിവരെയാണ് എയർലൈൻ തേടുന്നത്

2025-ലെ മൂന്നാം പാദത്തിൽ 656 മില്യൺ ദിർഹത്തിന്റെ അറ്റാദായം നേടി (കഴിഞ്ഞ വർഷത്തേക്കാൾ 16% വർദ്ധനവ്) ശക്തമായ വളർച്ച പ്രകടമാക്കിയ എയർ അറേബ്യ, അടുത്തിടെ 12 പുതിയ റൂട്ടുകൾ കൂടി കൂട്ടിച്ചേർത്തിരുന്നു. എയർബസ് A320/A321 വിമാനങ്ങളുടെ എണ്ണം 88 ആയി വർദ്ധിപ്പിച്ച എയർലൈൻ, ശക്തമായ വളർച്ചയ്ക്ക് പിന്നാലെയാണ് പുതിയ നിയമനം നടത്തുന്നത്.

ALSO READ: സെക്യൂരിറ്റി, മാനേജര്‍, നഴ്‌സ് തുടങ്ങി നിരവധി ഒഴിവുകള്‍; Latest Gulf Jobs November 11 

ഒഴിവുകൾ

പൈലറ്റുമാർ (ക്യാപ്റ്റൻ & ഫസ്റ്റ് ഓഫീസർ)
    
യോഗ്യരായ സഊദി പൗരന്മാർ, ജിസിസി രാജ്യങ്ങളിലെ ഉദ്യോഗാർത്ഥികൾ, യുഎഇയിലെ പൈലറ്റുമാർ എന്നിവർക്ക് അപേക്ഷ സമർപ്പിക്കാം. പൈലറ്റുമാർക്ക് നിശ്ചിതകാല കരാറുകളിലാണ് നിയമനം നൽകുന്നത്.

മാനദണ്ഡങ്ങൾ 

ഇംഗ്ലീഷ് പ്രാവീണ്യം നിർബന്ധമാണ്. ബജറ്റ് എയർലൈനുകളിലെ മുൻപരിചയം അഭികാമ്യം.

ശമ്പളവും ആനുകൂല്യങ്ങളും

അധിക ആനുകൂല്യങ്ങൾ: പ്രതിദിനം 184 ദിർഹവും താമസവും ഗതാഗത സൗകര്യവും യൂണിഫോമും വാർഷിക അവധിയും.

സഊദി അറേബ്യയിലെ ദമ്മാം ആസ്ഥാനമായുള്ള പൈലറ്റുമാർക്ക് GACA നിയന്ത്രണങ്ങൾ അനുസരിച്ചുള്ള പരിശീലനവും എയർലൈൻ ആനുകൂല്യങ്ങളും പ്രൊഫഷണൽ വികസന അവസരങ്ങളും ലഭിക്കും. എയർ അറേബ്യയുടെ ഔദ്യോഗിക വെബ്‌സൈറ്റ് വഴി ഉദ്യോഗാർത്ഥികൾക്ക് അപേക്ഷകൾ സമർപ്പിക്കാവുന്നതാണ്.

air arabia has launched a large scale recruitment campaign offering numerous job opportunities across various departments in the uae. candidates can apply online through the official careers portal.