റിയാദ്: സൗദി അറേബ്യയിലുടനീളം മഴക്കു വേണ്ടിയുള്ള പ്രത്യേക നിസ്‌കാരം നിര്‍വഹിക്കാന്‍ പൗരന്‍മാരോടും താമസക്കാരോടും തിരുഗേഹങ്ങളുടെ സേവകന്‍ സല്‍മാന്‍ രാജാവ് ആഹ്വാനംചെയ്തതിന് പിന്നാലെ നിസ്‌കാര സമയം നിശ്ചയിച്ചു. നാളെ (നവംബര്‍ 13) സൂര്യോദയം നടന്ന് 15 മിനിറ്റിനു ശേഷമാണ് നമസ്‌കാരം നിര്‍വഹിക്കേണ്ടതെന്ന് സൗദി മതകാര്യ മന്ത്രാലയം അറിയിച്ചു. എന്നാല്‍, സൂര്യോദയ സമയത്തിലെ വ്യത്യാസങ്ങള്‍ക്കനുസരിച്ച് വിവിധ പ്രവിശ്യകളില്‍ മഴക്കു വേണ്ടിയുള്ള നമസ്‌കാര സമയങ്ങലില്‍ ചെറിയ മാറ്റങ്ങളുണ്ടാകും.

മഴക്കു വേണ്ടിയുള്ള നമസ്‌കാരം നടക്കുന്ന സ്ഥലങ്ങളിലെല്ലാം ആവശ്യമായ എല്ലാ ക്രമീകരണങ്ങളും തയാറെടുപ്പുകളും ഇസ്‌ലാമികകാര്യ മന്ത്രാലയം പൂര്‍ത്തിയാക്കിയിട്ടുണ്ട്.

ഇന്നലെയാണ് രാജ്യത്തെ മസ്ജിദുകളിലും ജുമാമസ്ജിദുകളിലും മഴക്കു വേണ്ടിയുള്ള നമസ്‌കാരം നിര്‍വഹിക്കാന്‍ രാജാവ് ആഹ്വാനംചെയ്തത്. മഴ തേടിയുള്ള പ്രാര്‍ത്ഥന നടത്തണമെന്ന പ്രവാചകന്‍ മുഹമ്മദ് നബി (സ) യുടെ പാരമ്പര്യത്തെ (സുന്നത്ത്) അടിസ്ഥാനമാക്കിയുള്ളതാണിതെന്ന് സൗദി പ്രസ് ഏജന്‍സി നടത്തിയ പ്രസ്താവനയില്‍ റോയല്‍ കോര്‍ട്ട് പറഞ്ഞു. എല്ലാ വിശ്വാസികളും തങ്ങളുടെ പശ്ചാത്താപം (തൗബ) വര്‍ദ്ധിപ്പിക്കാനും പാപമോചനം തേടാനും തന്റെ ദാസന്മാരോട് ദയ കാണിക്കാന്‍ പ്രാര്‍ത്ഥനകളില്‍ സര്‍വ്വശക്തനായ ദൈവത്തിലേക്ക് തിരിയാനും രാജാവ് അഭ്യര്‍ത്ഥിച്ചിരുന്നു. 

Saudi Arabia’s King Salman bin Abdul Aziz has issued a royal decree calling on all residents to participate in a special rain-seeking prayer, known as Salat Al-Istisqa, on Tomorrow (Thursday, November 13). The prayer will be held across all regions of the Kingdom as citizens gather to ask for God’s mercy and rainfall during this period of dry weather.