റാസൽഖൈമ: റാസൽഖൈമയിൽ താത്കാലികമായി റോഡ് അടച്ചിടുമെന്ന് റാസൽഖൈമ പൊലിസ് ജനറൽ കമാൻഡ് അറിയിച്ചു. 54-ാമത് ദേശീയ ദിന (ഈദ് അൽ ഇത്തിഹാദ്) പരേഡിന്റെ റിഹേഴ്സലിന് വേണ്ടി റോഡ് താത്കാലികമായി അടച്ചിടുന്നത്.

എവിടെ, എപ്പോൾ?

തിയ്യതി: നവംബർ 14, വെള്ളിയാഴ്ച

സമയം: രാവിലെ 8.30 മുതൽ 10 മണി വരെ

സ്ഥലം: ഖവാസിം കോർണിഷിലേക്കുള്ള പ്രധാന റോഡ്

ദേശീയ ദിനാഘോഷത്തിന് മുന്നോടിയായി സൈനിക യൂണിറ്റുകൾക്കും പരേഡിൽ പങ്കെടുക്കുന്നവർക്കും അവസാന ഘട്ട പരിശീലനം നടത്തുന്നതിനാണ് ഈ റോഡ് അടച്ചിടുന്നത്.

ALSO READ: ഹജ്ജ് 2026: 6,228 തീർത്ഥാടകരെ തിരഞ്ഞെടുത്ത് യുഎഇ; 72,000-ത്തിലധികം അപേക്ഷകർ

നിർദ്ദേശങ്ങൾ:

വാഹനമോടിക്കുന്നവർ മുൻകൂട്ടി യാത്രകൾ ആസൂത്രണം ചെയ്യണമെന്നും തിരക്ക് ഒഴിവാക്കാൻ ബദൽ വഴികൾ ഉപയോഗിക്കണമെന്നും അധികൃതർ അഭ്യർത്ഥിച്ചു.

റിഹേഴ്സലിന്റെ ഭാഗമായി സൈനിക വിഭാഗങ്ങളുടെ സഞ്ചാരവും ഖവാസിം കോർണിഷിലേക്കുള്ള പ്രധാന റോഡ് അടച്ചിടുന്നതും കാണാം. ഈ സമയം, പൊതുജനങ്ങൾ ബദൽ മാർ​ഗങ്ങൾ ഉപയോഗിക്കണമെന്ന് റാസൽഖൈമ പൊലിസ് പ്രസ്താവനയിൽ വ്യക്തമാക്കി.
 
ഡിസംബർ 2 ന് നടക്കുന്ന ദേശീയദിന ആഘോഷങ്ങളുടെ സുരക്ഷയും സുഗമമായ നടത്തിപ്പും ഉറപ്പാക്കുന്നതിനുള്ള ഒരുക്കങ്ങളുടെ ഭാഗമാണ് ഈ റിഹേഴ്സൽ.

The Ras Al Khaimah Police General Command has announced a temporary road closure for the 54th National Day (Eid Al Ittihad) parade rehearsal. The closure is aimed at ensuring public safety and smooth traffic flow during the event.