ലോകത്തിലെ ഏഴ് അത്ഭുതങ്ങളിൽ ഒന്നായ താജ്മഹൽ, പ്രണയത്തിന്റെ സ്മാരകമെന്നതിലുപരി, വാസ്തുവിദ്യാപരമായ നിരവധി നിഗൂഢതകളും ഒളിപ്പിച്ചുവെക്കുന്നുണ്ട്. മനോഹരമായ മാർബിൾ കുംഭഗോപുരത്തിന് താഴെ, പതിറ്റാണ്ടുകളായി അടഞ്ഞുകിടക്കുന്ന 20-ൽ അധികം ഭൂഗർഭ അറകളാണ് ഉള്ളത്. നിധികളോ, രഹസ്യ ശവകുടീരങ്ങളോ ഒളിപ്പിച്ചുവെച്ച ഈ അറകൾ എന്തിനാണ് പൂട്ടിയിട്ടിരിക്കുന്നത് എന്ന ചോദ്യത്തിന് വിദ​ഗ്ധർ വിശദീകരണം നൽകുന്നുണ്ട്.

ALSO READ: ട്രെയിനുകളില്‍ ഇനി കുളിക്കാന്‍ ചൂടുവെള്ളം; അറിയാം ഏതൊക്കെ ട്രെയിനുകളിലെന്ന്  

മാർബിളിനടിയിലെ രാജകീയ വിശ്രമകേന്ദ്രം

മുഗൾ ചക്രവർത്തി ഷാജഹാൻ തന്റെ പത്നി മുംതാസ് മഹലിനായി നിർമ്മിച്ച ഈ സൗധത്തിൽ തഹ്ഖാന (Tahkhana) എന്നറിയപ്പെടുന്ന ഒരു ഭൂഗർഭ മുറികളുടെ ശൃംഖല തന്നെയുണ്ട്. കടുത്ത വേനൽച്ചൂടിൽ നിന്ന് രക്ഷനേടാൻ ചക്രവർത്തിക്കും കുടുംബത്തിനും വിശ്രമിക്കാനായി രൂപകൽപ്പന ചെയ്ത തണുപ്പേറിയ വിശ്രമകേന്ദ്രമായിരുന്നു ഈ അറകൾ.

 

 

വിശാലമായ ഈ മുറികൾ ജ്യാമിതീയവും നക്ഷത്രപാഠവുമുള്ള ഡിസൈനുകൾ കൊണ്ട് അലങ്കരിച്ചിരുന്നുവെന്ന് മുഗൾ വാസ്തുവിദ്യയിലെ പ്രമുഖ വിദഗ്ദ്ധ എബ്ബ കോച്ച് ബിബിസിയോട് പറഞ്ഞു. യമുനാ നദിയിലൂടെ ബോട്ടിൽ എത്തിയിരുന്ന ഷാജഹാൻ, നദീതീരത്ത് നിന്ന് ഈ അറകളിലൂടെയായിരിക്കാം താജ്മഹലിലേക്ക് പ്രവേശിച്ചിരുന്നതെന്നും ചരിത്രകാരന്മാർ പറയുന്നു. ഈ കെട്ടിട സമുച്ചയത്തിന്റെ എടുപ്പും പ്രവർത്തനപരമായ രൂപകൽപ്പനയും നിലനിർത്തുന്നതിലും ഈ തഹ്ഖാനയ്ക്ക് പങ്കുണ്ടായിരുന്നു.

ഈ രഹസ്യ അറകൾ പൊതുജനങ്ങൾക്ക് പ്രവേശനമില്ലാത്ത രീതിയിൽ അടച്ചിട്ടിരിക്കുന്നതിൻ്റെ പ്രധാന കാരണം പ്രകൃതിദുരന്തമാണ്, പ്രത്യേകിച്ച് 1978-ലെ വെള്ളപ്പൊക്കം.

ALSO READ: ഇന്ത്യയില്‍ പാസ്‌പോര്‍ട്ടുകള്‍ പല നിറങ്ങളില്‍; ഏതെല്ലാമെന്നറിയാമോ? ഓരോ നിറത്തിനും ഓരോ അര്‍ഥങ്ങള്‍.. 

1978-ൽ യമുന നദി കരകവിഞ്ഞൊഴുകിയപ്പോൾ, ഭൂഗർഭ അറകളിൽ ചെളിയടിയുകയും ഘടനാപരമായ വിള്ളലുകൾ ഉണ്ടാവുകയും ചെയ്തു. ഡൽഹി ആസ്ഥാനമായുള്ള ചരിത്രകാരൻ റാണ സഫ്‌വിയാണ് ഇക്കാര്യം വെളിപ്പെടുത്തിയത്. സ്മാരകത്തിന്റെ സ്ഥിരതയും സുരക്ഷയും ഉറപ്പാക്കാൻ വേണ്ടിയാണ് മുറികൾ സീൽ ചെയ്യാൻ ആർക്കിയോളജിക്കൽ സർവേ ഓഫ് ഇന്ത്യ (എഎസ്‌ഐ) നിർബന്ധിതരായത്.

താജ്മഹലിന്റെ പൂട്ടിയിട്ട മുറികളെക്കുറിച്ച് സാമൂഹിക മാധ്യമങ്ങളിൽ അഭ്യൂഹങ്ങൾ പടരുന്നതിനിടെ, ഈ മുറികൾ ‘ശാശ്വതമായി അടച്ചിട്ടിരിക്കുകയല്ല’ എന്ന് എഎസ്‌ഐ വ്യക്തമാക്കിയിട്ടുണ്ട്. സംരക്ഷണത്തിനും പുനരുദ്ധാരണ പ്രവർത്തനങ്ങൾക്കുമായി ഈ അറകൾ ഇടയ്ക്കിടെ തുറക്കാറുണ്ട്. പുനരുദ്ധാരണ പ്രവർത്തനങ്ങൾ നടക്കുന്നതിന്റെ അപൂർവ ചിത്രങ്ങൾ എഎസ്‌ഐ നേരത്തെ പുറത്തുവിട്ടിരുന്നു. പ്രണയത്തിന്റെ പ്രതീകമായ താജ്മഹലിന്റെ അടിത്തറ സുരക്ഷിതമായി നിലനിർത്താനുള്ള സംരക്ഷണ ദൗത്യത്തിലാണ് അധികൃതർ ഇപ്പോൾ.

explore the mystery of the taj mahal’s hidden chambers, known as the ‘tehkhana’, and uncover the theories about what lies behind the monument’s sealed doors.