ആവശ്യമുള്ള ചേരുവകള്‍

റവ- 1 കപ്പ്
വെള്ളം- ആവശ്യത്തിന്
ഉരുളക്കിഴങ്ങ്- 1

ഇഞ്ചികൊത്തിയരിഞ്ഞത്- കാല്‍ ടേബിള്‍ സ്പൂണ്‍  
പച്ചമുളക് പൊടിയായി അരിഞ്ഞത് - കാല്‍ ടീസ്പൂണ്‍
കറിവേപ്പില- ആവശ്യത്തിന്-
മല്ലിയില- രണ്ട് തണ്ട്
ചെറുനാരങ്ങ നീര് - ഒരു സ്പൂണ്‍

തയ്യാറാക്കുന്ന വിധം
റവ ഒന്ന് കുതിര്‍ത്തുവയ്ക്കുക. ഒരു ഗ്ലാസ് റവയിലേക്ക് രണ്ടു ഗ്ലാസ് വെള്ളമൊഴിച്ച് 15 മിനിറ്റ് കുതിര്‍ത്തുവയ്ക്കുക. ശേഷം ബാക്കിയുള്ള വെള്ളം ഊറ്റിക്കളഞ്ഞ് ഇത് മിക്‌സിയുടെ ജാറിലേക്കിടുക. അതിലേക്ക് ഉരുളക്കിഴങ്ങും ചേര്‍ത്ത് നന്നായി അടിച്ചെടുക്കുക. ഇതിലേക്ക് ഇഞ്ചിയും ഉപ്പും പച്ചമുളകും എല്ലാമിട്ട് നന്നായി ഇളക്കുക. ശേഷം നാരങ്ങാനീര് ചേര്‍ക്കുക. ഇനി ഇത്തിരി ബേക്കിങ് സോഡയും കൂടെ ചേര്‍ത്ത് നന്നായി ഇളക്കി മാറ്റിവയ്ക്കുക. ഇത് ആവിയില്‍ വേവിച്ചെടുക്കാം. 

ഇനി അല്‍പം സ്‌പൈസി ആവാന്‍ ഒരു ചീനച്ചട്ടിയില്‍ അല്‍പം വെളിച്ചെണ്ണ ഒഴിച്ച് അതിലേക്ക് അല്‍പം കടുക് ഇട്ട് ഇത്തിരി മുളകുപൊടിയും മല്ലിയിലയും ഇട്ട് ഒന്ന് വഴറ്റുക. അതിലേക്ക് ഉണ്ടാക്കി വച്ച പലഹാരം ഒന്ന് എടുത്ത് തിരിച്ചും മറിച്ചും ഇട്ടു കൊടുക്കുക. സ്‌പൈസിയായ, ടേസ്റ്റിയായ സ്‌നാക് റെഡി.