പൂണെ: ഫാൻസി നമ്പർ പ്ലേറ്റ് ബൈക്കിൽ സ്ഥാപിച്ച് സമൂഹമാധ്യമത്തിലൂടെ പൊലിസിനെ വെല്ലുവിളിച്ച യുവാവിനെ അതിവേഗം പിടികൂടി പൂണെ പോലീസ്. 'Will Run' എന്ന് രേഖപ്പെടുത്തിയ, ഔദ്യോഗിക രജിസ്ട്രേഷൻ ഇല്ലാത്തബൈക്കിൽ ഇരിക്കുന്ന ചിത്രം എക്‌സിൽ പങ്കുവെച്ചാണ് യുവാവിന്റെ സുഹൃത്ത് പൊലിസിനെ വെല്ലുവിളിച്ചത്.

"നിങ്ങൾക്ക് കഴിയുമെങ്കിൽ എന്നെ പിടിക്കൂ" എന്ന അടിക്കുറിപ്പോടെയുള്ള പോസ്റ്റ് അതിവേഗം വൈറലായതോടെ, പൂണെ സിറ്റി ട്രാഫിക് പൊലിസും പൂണെ പൊലിസും ഉടൻ പ്രതികരിച്ചു.

വെല്ലുവിളി ഏറ്റെടുത്ത് പൂണെ പൊലിസ് ഈ പോസ്റ്റിന് നൽകിയ മറുപടി ശ്രദ്ധേയമായിരുന്നു. "ഞങ്ങൾക്ക് കഴിയും, ഞങ്ങൾ ചെയ്യും. ഇനി കുറച്ചു സമയമേയുള്ളൂ. അപ്ഡേറ്റുകൾക്കായി ഈ അക്കൗണ്ട് കാണുക!" ഇതായിരുന്നു പൂണെ പൊലിസിന്റെ മറുപടി.

ALSO READ: സാങ്കേതിക തകരാര്‍; പരിശീലന വിമാനം പുതുക്കോട്ട-തിരുച്ചിറപ്പള്ളി ദേശീയപാതയിലിറക്കി, ഗതാഗതം സ്തംഭിച്ചു 

മറുപടിക്ക് പിന്നാലെ, അധികം വൈകാതെ തന്നെ പൊലിസ് യുവാവിനെ പിടികൂടി. അധികൃതരുടെ സമയോചിതമായ ഈ നടപടി ഗതാഗത നിയമങ്ങൾ കർശനമായി നടപ്പിലാക്കുന്നതിനുള്ള അവരുടെ പ്രതിബദ്ധത അടിവരയിടുന്നു. യുവാവിനെ പിടികൂടിയതിന് പിന്നാലെ പൂണെ പൊലിസ് ഒരു വീഡിയോ എക്‌സിൽ പങ്കുവെച്ചു. ആദ്യ ഫ്രെയിമിൽ ഫാൻസി നമ്പർ പ്ലേറ്റോടുള്ള വെല്ലുവിളിയാണെങ്കിൽ, രണ്ടാമത്തെ ഫ്രെയിമിൽ യുവാവ് മാപ്പ് പറയുന്നതാണ്.

വീഡിയോയിൽ, യുവാവ് തന്റെ പ്രവൃത്തിയിൽ പരസ്യമായി ക്ഷമാപണം നടത്തുകയും തന്റെ കാവസാക്കി നിൻജ ബൈക്കിൽ മോഡിഫൈ ചെയ്ത നമ്പർ പ്ലേറ്റ് സ്ഥാപിച്ചത് സുഹൃത്ത് ഫോട്ടോ എടുത്ത് പങ്കുവെച്ചതാണെന്നും വിശദീകരിച്ചു. "പൊലിസ് അത് ശ്രദ്ധിക്കുകയും ഒരു മണിക്കൂറിനുള്ളിൽ എന്നെ പിടികൂടുകയും ചെയ്തു. ചെയ്തുപോയ തെറ്റിന് ഞാൻ ക്ഷമ ചോദിക്കുന്നു, ഇതുപോലെയുള്ള തെറ്റായ കാര്യങ്ങൾ ചെയ്യരുതെന്ന് നിങ്ങളോട് അഭ്യർത്ഥിക്കുന്നു," യുവാവ് പറഞ്ഞു.

സംഭവത്തിന് പിന്നാലെ, തെറ്റായ വശത്തേക്ക് വാഹനമോടിക്കൽ, നമ്പർ പ്ലേറ്റില്ലാത്ത വാഹനങ്ങൾ തുടങ്ങിയ മറ്റ് ഗതാഗത നിയമലംഘനങ്ങൾക്കെതിരെയും നടപടിയെടുക്കണമെന്ന് ആവശ്യപ്പെട്ട് നിരവധി ആളുകൾ സോഷ്യൽ മീഡിയയിൽ രംഗത്തെത്തി. ഗതാഗത നിയമലംഘനങ്ങൾ തുറന്നുകാട്ടാനും അധികാരികളിൽ നിന്ന് വേഗത്തിലുള്ള നടപടി ഉറപ്പാക്കാനും സോഷ്യൽ മീഡിയക്ക് എങ്ങനെ കഴിയുമെന്നാണ് ഈ സംഭവം തെളിയിക്കുന്നത്.

a young man who taunted police with a “catch me if you can” message on his vehicle’s number plate was arrested within an hour. the dramatic incident has gone viral on social media.