കോഴിക്കോട്: തദ്ദേശ തിരഞ്ഞെടുപ്പിൽ കോഴിക്കോട് ജില്ലാ പഞ്ചായത്തിലേക്കുള്ള സ്ഥാനാർഥിപ്പട്ടിക പുറത്തുവിട്ട് എൽഡിഎഫ്. കഴിഞ്ഞ തവണത്തെ മികച്ച വിജയം ഇക്കുറിയും തുടരാനാകുമെന്ന ആത്മവിശ്വാസത്തിലാണ് എൽഡിഎഫ് പോരിനിറങ്ങുന്നത്. 28 ഡിവിഷനുകളിൽ പതിനാറ് ഡിവിഷനുകളിലും മത്സരിക്കുന്നത് സിപിഎം ആണ്. ബാക്കി സീറ്റുകൾ ഘടക കക്ഷികൾക്കായും നീക്കി വെച്ചിരിക്കുന്നു. 

സിപിഎം 16, സിപിഐ 4, ആർജെഡി 4, എൻസിപി 1, കേരള കോൺഗ്രസ് (എം) 1, ജനദാതൾ എസ് 1, ഐഎൻഎൽ 1 എന്നിങ്ങനെയാണ് സീറ്റ് വിഭജനം. അസൂയാവഹമായതും തിളക്കമാർന്നതുമായ തകർപ്പൻ ജയം ഇത്തവണ എൽഡിഎഫ് നേടുമെന്ന് സ്ഥാനാർഥികളെ പ്രഖ്യാപിച്ച് സിപിഎം ജില്ലാ സെക്രട്ടറി എം.മെഹബൂബ് പറഞ്ഞു.

ldf announced its candidate list for the kozhikode district panchayat local elections.