ബെംഗളുരു: കര്‍ണാടക മുന്‍ മുഖ്യമന്ത്രിയും ബിജെപി നേതാവുമായ ബിഎസ് യെദിയൂരപ്പക്കെതിരായ പോക്‌സോ കേസ് റദ്ദാക്കാനാവില്ലെന്ന് കര്‍ണാടക ഹൈക്കോടതി. എന്നാല്‍ വിചാരണക്കിടെ അത്യാവശ്യമില്ലെങ്കില്‍ യെദ്യൂരപ്പയോട് ഹാജരാവാന്‍ നിര്‍ബന്ധിക്കരുതെന്ന ഹൈക്കോടതി വിചാരണക്കോടതിയോട് നിര്‍ദേശിച്ചു. ജസ്റ്റിസ് എം.ഐ അരുണിന്റെ സിംഗിള്‍ ബെഞ്ചിന്റേതാണ് വിധി. 

കേസ് റദ്ദാക്കണമെന്നാവശ്യപ്പെട്ട് ഹരജിക്കാരന് വിചാരണക്കോടതിയെ സമീപിക്കാമെന്നും ഹൈക്കോടതി അറിയിച്ചിട്ടുണ്ട്. ഒരു കേസില്‍ സഹായം തേടി മാതാവിനൊപ്പം ബെംഗളുരുവിലെ വസതിയിലെത്തിയ 17കാരിയെ യെദിയൂരപ്പ ലൈംഗികായി പീഡിപ്പിച്ചെന്നാണ് കേസ്. കഴിഞ്ഞ വര്‍ഷം മാര്‍ച്ച് 14നാണ് യെദിയൂരപ്പക്കെതിരെ കേസ് രജിസ്റ്റര്‍ ചെയ്തത്. ഡോളറസ് കോളനിയിലെ വസതിയില്‍ നടന്ന യോഗത്തിനിടെ പ്രതി തന്റെ മകളെ ലൈംഗികാതിക്രമം നടത്തിയെന്നാണ് മാതാവിന്റെ പരാതി.

ALSO READ: അഖ്‌ലാഖിന്റെ കൊലയാളികളെ രക്ഷിക്കാന്‍ യോഗി സര്‍ക്കാര്‍; കേസുകള്‍ പിന്‍വലിക്കാന്‍ അപേക്ഷ നല്‍കി; ബീഫ് ഉണ്ടെന്ന് ക്ഷേത്രത്തില്‍നിന്ന് വിളിച്ച് പറഞ്ഞ് ഹിന്ദുത്വരെ ക്ഷണിച്ചു 

karnataka hc refused to cancel the pocso case against former cm and bjp leader b s yediyurappa.