കണ്ണൂര്‍: ഫസല്‍ വധക്കേസ് പ്രതിയായ കാരായി ചന്ദ്രശേഖരന്‍ തലശ്ശേരി നഗരസഭയില്‍ എല്‍ഡിഎഫ് സ്ഥാനാര്‍ഥി. തലശ്ശേരി നഗരസഭാ 16ാം വാര്‍ഡിലാണ് ഇയാള്‍ മത്സരിക്കുന്നത്. 2015ല്‍ തലശ്ശേരി നഗരസഭ ചെയര്‍മാനായിരുന്ന ഘട്ടത്തിലാണ് ഫസല്‍ കേസില്‍ ജില്ലയില്‍ പ്രവേശിക്കരുതെന്ന വിധി വരുന്നത്. ജാമ്യ വ്യവസ്ഥയില്‍ എറണാകുളം ജില്ല വിട്ടു പോകരുതെന്ന ഉപാധിയെത്തുടര്‍ന്ന് ഇരുമ്പനത്തായിരുന്നു താമസം. 

ഒമ്പത് വര്‍ഷത്തിനു ശേഷമാണ് പിന്നീട് കാരായി രാജനും കാരായി ചന്ദ്രശേഖരനും തലശ്ശേരിയിലേക്ക് മടങ്ങിയെത്തുന്നത്. ഫസല്‍ വധം ആസൂത്രണം ചെയ്തത് കാരായി സഹോദരന്‍മാര്‍ തന്നെയാണെന്ന സിബിഐയുടെ തുടരന്വേഷണ റിപോര്‍ട്ട് പുറത്തുവന്ന ദിവസം തന്നെയാണ് ഇരുവരും കണ്ണൂരിലെത്തിയതും.

ഫസല്‍ വധക്കേസില്‍ ഗൂഢാലോചനക്കുറ്റമാണ് ഇവര്‍ക്കെതിരേ സിബിഐ ചുമത്തിയിരുന്നത്. ഫസല്‍ വധക്കേസിലെ ഗൂഢാലോചനയില്‍ പ്രതി ചേര്‍ക്കപ്പെട്ടതോടെ 2012 ജൂണിലാണ് കാരായിമാര്‍ കോടതിയില്‍ കീഴടങ്ങുന്നതും.

ഒന്നര വര്‍ഷത്തിന് ശേഷം 2013 നവംബര്‍ എട്ടിന് ജാമ്യം ലഭിക്കുകയും ചെയ്തു. ഇതിനിടെ ചന്ദ്രശേഖരന്‍ തലശ്ശേരി നഗരസഭാ ചെയര്‍മാനായി മത്സരിച്ചു ജയിച്ചിരുന്നു. എന്നാല്‍ നാട്ടിലേക്ക് വരാന്‍ കോടതി അനുവദിക്കാത്തതിനെ തുടര്‍ന്ന് രാജിവയ്ക്കുകയായിരുന്നു.

Kaaryi Chandrasekharan, an accused in the Fazal murder conspiracy case, is contesting as the LDF candidate in Ward 16 of the Thalassery Municipality. In 2015, when he was the municipal chairman, the court barred him from entering the Kannur district. Due to bail conditions restricting him from leaving Ernakulam district, he stayed in Irumbanam.