ബിഹാറില്‍ വോട്ടെണ്ണല്‍ പുരോഗമിക്കുകയാണ്. എന്‍.ഡി.എയില്‍ നിലവില്‍ ബി.ജെ.പിയാണ് ഏറ്റവും വലിയ ഒറ്റകക്ഷി. 72 സീറ്റിലാണ് ബി.ജെ.പി മുന്നേറുന്നത്. ജെ.ഡി.യും 59 സീറ്റിലും. പ്രതീക്ഷിച്ച് പ്രകടനം നിതീഷിന് കാഴ്ചവെക്കാന്‍ കഴിഞ്ഞിട്ടില്ല എന്നാണ് ഫലങ്ങള്‍ സൂചിപ്പിക്കുന്നത്. 

മുഖ്യമന്ത്രിയും ജെ.ഡി.യു പ്രസിഡന്റുമായ നിതീഷ് കുമാര്‍ വളരെക്കാലമായി ബിഹാറില്‍ എന്‍.ഡി.എയുടെ മുഖമാണ്. സംസ്ഥാനത്തെ 243 സീറ്റുകളിലേക്ക് എന്‍.ഡി.എയുടെ സീറ്റ് വിഭജന കരാറിന്റെ ഭാഗമായി ബിജെപിക്കും ജെഡിയുവിനും 101 സീറ്റുകള്‍ അനുവദിച്ചതോടെ, സഖ്യത്തില്‍ അധികാര സന്തുലിതാവസ്ഥ മാറിയതായാണ് സൂചിപ്പിക്കുന്നത്. ജെ.ഡി.യു ഇനി ബി.ജെ.പിയുടെ മുതിര്‍ന്ന സഖ്യകക്ഷിയായി തുടരില്ല. തെരഞ്ഞെടുപ്പിനുശേഷം നിതീഷിന്റെ പങ്ക്  വെല്ലുവിളി നേരടേണ്ടി വരുമെന്ന സൂചന ഇത് തന്നെയാണ് നല്‍കിയിരുന്നത്. 

ALSO READ: ബിഹാര്‍ തെരഞ്ഞെടുപ്പ്: കേവല ഭൂരിപക്ഷം കടന്ന് എന്‍.ഡി.എ

ബീഹാറില്‍ എന്‍.ഡി.എയുടെ പ്രധാന നേതാവെന്ന സ്ഥാനത്ത് നിതീഷിന്റെ നിലനില്‍പ് രണ്ട് കാര്യങ്ങളെ ആശ്രയിച്ചിരിക്കും: ജെ.ഡി.യുവിന്റെ സ്വന്തം പ്രകടനവും സഖ്യത്തിന് വ്യക്തമായ വിജയം നേടാന്‍ കഴിയുമോ എന്നതും. എന്‍.ഡി.എ സുഖകരമായി വിജയിക്കുകയും നിതീഷ് ശക്തമായ വ്യക്തിപരമായ ജനവിധി നിലനിര്‍ത്തുകയും ചെയ്താല്‍ നിതീഷിന് തന്റെ കസേര നിലനിര്‍ത്താനായേക്കും.  ബി.ജെ.പിയുടെ 74 സീറ്റിനെതിരെ വെറും 43 സീറ്റുകള്‍ നേടിയ2020 ലെ തരഞ്ഞെടുപ്പിനെ അപേക്ഷിച്ച് - അദ്ദേഹത്തിന്റെ പാര്‍ട്ടി അതിന്റെ നില മെച്ചപ്പെടുത്തേണ്ടതുണ്ട്.  എന്‍.ഡി.എയുടെ വിജയം നേരിയ മാര്‍ജിനില്‍ ആവുകയും ബി.ജെ.പി ജെ.ഡി.യുവിനെക്കാള്‍ മികച്ച പ്രകടനം കാഴ്ചവെക്കുകയും ചെയ്താന്‍ തന്റെ കസേര നിലനിര്‍ത്തുക എന്നത് നിതീഷിനെ സംബന്ധിച്ച് ഒരു ചോദ്യചിഹ്നമാവാന്‍ സാധ്യതയുണ്ടെന്നും നിരീക്ഷകര്‍ ചൂണ്ടിക്കാട്ടുന്നു. 

as the bjp becomes the single largest party in bihar, questions rise over whether nitish kumar will have to step aside from the chief minister’s position. get the latest political updates and power balance analysis.