പട്ന: വോട്ടെണ്ണല്‍ ചൂടിനിടെ ഇന്ത്യയുടെ പ്രഥമ പ്രധാനമന്ത്രി ജവഹര്‍ ലാല്‍ നെഹ്‌റുവിനെ അനുസ്മരിച്ച് ബിഹാര്‍ മുഖ്യമന്ത്രിയും ജനതാദള്‍ യുനൈറ്റഡ് നേതാവുമായ നിതീഷ് കുമാറിന്റെ ട്വീറ്റ്. ഇന്ത്യയുടെ ആദ്യ പ്രധാനമന്ത്രി, അന്തരിച്ച പണ്ഡിറ്റ് ജവഹര്‍ലാല്‍ നെഹ്റുവിന്റെ ജന്മവാര്‍ഷികത്തില്‍ ആദരാഞ്ജലികള്‍- ഇതാണ് ട്വീറ്റ്. വോട്ടെണ്ണിത്തുടങ്ങും മുമ്പാണ് അദ്ദേഹം എക്‌സില്‍ പോസ്റ്റ് ഇട്ടിരിക്കുന്നത്. 

भारत के प्रथम प्रधानमंत्री स्व० पंडित जवाहर लाल नेहरू जी की जयंती पर उन्हें सादर नमन।

— Nitish Kumar (@NitishKumar) November 14, 2025

ട്വീറ്റിനേക്കാള്‍ ട്വീറ്റിനടിയില്‍ വരുന്ന കമന്റുകളാണ് രസകരം. വല്ല മനംമാറ്റവും വന്നോ എന്നാണ് ഒരാള്‍ ചോദിക്കുന്നത്. മുഖ്യമന്ത്രി കസേര താങ്കള്‍ക്ക് തന്നെ ആയിരിക്കുമെന്ന് ചിലര്‍ നിതീഷിനെ ആശ്വസിപ്പിക്കുന്നു. മഹാസഖ്യത്തിലേക്കുള്ള വരവിന്റെ ഭാഗമാണോ എന്നാണ് മറ്റൊരു ചോദ്യം. രാഷ്ട്രീയ സഖ്യങ്ങളില്‍ മാറി-മാറി നില്‍ക്കുന്ന നിതീഷിന്റെ ഭൂതകാലം ചൂണ്ടിക്കാണിച്ചാണ് ആളുകള്‍ ചോദ്യമുയര്‍ത്തുന്നത്. 

ALSO READ: ബിഹാര്‍ തെരഞ്ഞെടുപ്പ്: കേവല ഭൂരിപക്ഷം കടന്ന് എന്‍.ഡി.എ

during the heated phase of vote counting in bihar, nitish kumar posted a tribute to jawaharlal nehru, triggering a wave of reactions online. social media users reassured him, saying he need not fear as the chief minister’s chair remains his.