മസ്‌കത്ത്: ലിഥിയം ബാറ്ററികള്‍, പവര്‍ ബാങ്കുകള്‍, സ്മാര്‍ട്ട് ബാഗുകള്‍, ഇ സിഗരറ്റുകള്‍ തുടങ്ങിയവ കൊണ്ടുപോകുന്നതിന് പുതിയ മാര്‍ഗ നിര്‍ദ്ദേശങ്ങള്‍ പുറപ്പെടുവിച്ച് ഒമാന്‍ എയര്‍. യാത്രക്കാരുടെ ഉയര്‍ന്ന സുരക്ഷ ഉറപ്പാക്കുന്നതിനുള്ള തുടര്‍ ശ്രമങ്ങളുടെ ഭാഗമായിട്ടാണ് നടപടികളെന്ന് ഒമാന്‍ എയര്‍ വ്യക്തമാക്കി.

പ്രധാന നിര്‍ദേശങ്ങള്‍ ഇവയാണ്: 
* പവര്‍ബാങ്കുകള്‍: പവര്‍ബാങ്കുകള്‍ ഹാന്‍ഡ് ബാഗില്‍ മാത്രമെ കരുതാവൂവെന്നും പറക്കുന്നതിനിടെ അവ ഉപയോഗിക്കുകയോ ചാര്‍ജ് ചെയ്യുകയോ ചെയ്യാന്‍ പാടില്ല. കേടായതോ ലേബല്‍ ഇല്ലാത്തതോ ആയ പവര്‍ബാങ്കുകള്‍ കര്‍ശനമായി നിരോധിച്ചിരിക്കുന്നു.
* സ്മാര്‍ട്ട് ബാഗുകള്‍: ബാറ്ററി നീക്കം ചെയ്യാനാകാത്ത തരത്തിലുള്ളവ സ്മാര്‍ട്ട് ബാഗുകള്‍ ചെക്ക്ഇന്‍ ബാഗേജ് ആയി സ്വീകരിക്കില്ല. ബാറ്ററി നീക്കം ചെയ്യാന്‍ കഴിയുന്നവയുടെ കാര്യത്തില്‍, യാത്രക്കാര്‍ അത് ചെക്ക്ഇന്‍ മുമ്പ് നീക്കി കാബിനില്‍ കൊണ്ടുപോകണം.
* ഇസിഗരറ്റുകളും വെയ്പ്‌സുകളും: ഇവ ഹാന്‍ഡ് ബാഗില്‍ മാത്രമെ അനുവദിക്കൂ. എന്നാല്‍ വിമാനത്തില്‍ ഇവ ഉപയോഗിക്കുകയോ ചാര്‍ജ് ചെയ്യുകയോ ചെയ്യരുത്.
* മൊബൈല്‍ ഫോണുകളും ടാബ്ലെറ്റുകളും: ഇവ പോലുള്ള വ്യക്തിഗത ഇലക്ട്രോണിക് ഉപകരണങ്ങള്‍ വിമാനത്തിലെ ചാര്‍ജിംഗ് പോര്‍ട്ടുകള്‍ വഴി ചാര്‍ജ് ചെയ്യാം. എന്നാല്‍ ചാര്‍ജ്ജ് ചെയ്യുമ്പോള്‍ അവ നിരീക്ഷണത്തില്‍ ആയിരിക്കണം. ലൂസ് ബാറ്ററികള്‍, പവര്‍ബാങ്കുകള്‍, ഇസിഗരറ്റുകള്‍ എന്നിവ പറക്കുന്നതിനിടെ ചാര്‍ജ് ചെയ്യുന്നത് നിരോധിച്ചിട്ടുണ്ട്.
* ലിഥിയം ബാറ്ററി: ഹോവര്‍ബോര്‍ഡുകള്‍, ബാലന്‍സ് വീലുകള്‍, മിനി സ്‌കൂട്ടറുകള്‍ എന്നിവയുള്‍പ്പെടെയുള്ള ലിഥിയം ബാറ്ററി ഉപയോഗിക്കുന്ന ഉപകരണങ്ങള്‍ ഹാന്‍ഡ ബാഗില്‍ ആയാലും ചെക്ക്ഇന്‍ ബാഗേജായാലും വിമാനത്തില്‍ അനുവദിക്കില്ല. 

ALSO READ: കുവൈത്തില്‍ സഹില്‍ ആപ്പ് വഴി എന്‍ട്രി- എക്‌സിറ്റ് റിപ്പോര്‍ട്ട് ഡൗണ്‍ലോഡ് ചെയ്യുന്നതിങ്ങനെ

 Oman Air has announced updated safety guidelines for passengers carrying lithium batteries, power banks, smart bags, and e-cigarettes, reinforcing its commitment to passengers’ safety and smooth travel operations. According to the airline, power banks must be carried only in hand luggage and should not be used or charged during the flight. Damaged or unlabeled power banks are strictly prohibited.