മലപ്പുറം: ഏറെ കോളിളക്കം സൃഷ്ടിച്ച അരിയിൽ ഷുക്കൂർ വധക്കേസിലെ പ്രതിയെ തദ്ദേശ സ്വയംഭരണ തിരഞ്ഞെടുപ്പിൽ എൽഡിഎഫ് സ്ഥാനാർഥിയായി പ്രഖ്യാപിച്ചത് വിവാദമാകുന്നു. കേസിലെ 28-ാം പ്രതിയായ പി.പി. സുരേശനാണ് സി.പി.ഐ.എം സ്ഥാനാർഥിയായി മത്സരിക്കുന്നത്. കണ്ണൂർ ജില്ലയിലെ പട്ടുവം ഗ്രാമപഞ്ചായത്തിലെ 14-ാം വാർഡായ വെളിച്ചാങ്കിൽ നിന്നാണ് സുരേശൻ ജനവിധി തേടുന്നത്.

ALSO READ: 'സ്ഥാനാർഥി നിർണയത്തിൽ എല്ലാവരുടെയും താൽപര്യം സംരക്ഷിക്കാനാവില്ല'; കൊച്ചി ഡെപ്യൂട്ടി മേയറുടെ രാജിയിൽ വിശദീകരണവുമായി സിപിഐ

2012 ഫെബ്രുവരി 20-നാണ് അരിയിൽ ഷുക്കൂർ കൊല്ലപ്പെടുന്നത്. അന്ന് സി.പി.ഐ.എം ജില്ലാ സെക്രട്ടറിയായിരുന്ന പി. ജയരാജനും ടി.വി രാജേഷും സഞ്ചരിച്ച വാഹനത്തിന് നേരെ ആക്രമണമുണ്ടായതിനു പിന്നാലെയായിരുന്നു ഈ കൊലപാതകം. കണ്ണപുരം കീഴറയിലെ വള്ളുവൻ കടവിനടുത്ത് വെച്ച് ഷുക്കൂറിനെ രണ്ടര മണിക്കൂറോളം ബന്ദിയാക്കിയ ശേഷമാണ് കൊലപ്പെടുത്തിയത്.

ALSO READ: ഏത് നിമിഷവും ആക്രമിക്കപ്പെടാം; തെളിവിനായി സ്ഥാപിച്ച സിസിടിവി നീക്കണമെന്നാവശ്യപ്പെട്ട് അയൽവാസി സമർപ്പിച്ച ഹരജി ഹൈക്കോടതി തള്ളി

24-ാം വയസ്സിലാണ് ഷുക്കൂർ അതിദാരുണമായി കൊല്ലപ്പെട്ടത്. സി.പി.ഐ.എം പ്രവർത്തകർ സംഘടിച്ചെത്തി ഷുക്കൂറിനെ പരസ്യവിചാരണ ചെയ്ത ശേഷം വെട്ടിക്കൊലപ്പെടുത്തുകയായിരുന്നു എന്നാണ് കേസ്.

പി. ജയരാജൻ, ടി.വി. രാജേഷ് ഉൾപ്പെടെ 33 പേർ പ്രതികളായ കേസിലെ പ്രതിയാണ് നിലവിൽ സി.പി.ഐ.എം ടിക്കറ്റിൽ ഇപ്പോൾ സ്ഥാനാർഥിയായി മത്സരിക്കുന്നത്. ഷുക്കൂർ വധക്കേസിൽ വിചാരണാ നടപടികൾ ഈ വർഷം മെയ് മാസമാണ് ആരംഭിച്ചത്.

ALSO READ: പാർട്ടിയിൽ മെമ്പർഷിപ്പ് പോലുമില്ലാത്ത വ്യക്തികളാണ് സ്ഥാനാർഥികളായി മത്സരിക്കുന്നത്: കൊച്ചി ഡെപ്യൂട്ടി മേയർ സിപിഐ വിടുന്നു

ഫസൽ കേസ് പ്രതിയും സ്ഥാനാർഥി

ഇതിനു പുറമെ, കഴിഞ്ഞ ദിവസം ഫസൽ വധക്കേസിലെ പ്രതിയായ കാരായി ചന്ദ്രശേഖരനെയും സി.പി.ഐ.എം സ്ഥാനാർഥിയായി പ്രഖ്യാപിച്ചിരുന്നു. തലശ്ശേരി നഗരസഭയിലെ ചെള്ളക്കര വാർഡിൽ നിന്നാണ് ചന്ദ്രശേഖരൻ മത്സരിക്കുന്നത്.

കൊലപാതക കേസുകളിൽ പ്രതികളായവരെ സി.പി.ഐ.എം സ്ഥാനാർഥികളാക്കിയ നടപടിക്കെതിരെ രാഷ്ട്രീയ കേന്ദ്രങ്ങളിൽ പ്രതിഷേധം ശക്തമാവുകയാണ്. ഫസൽ കൊലക്കേസിൽ പ്രതിയായതിനെത്തുടർന്ന് 2015-ൽ തലശ്ശേരി നഗരസഭ ചെയർമാനായിരിക്കെ കാരായി ചന്ദ്രശേഖരന് ജില്ലയിൽ പ്രവേശിക്കരുതെന്ന കോടതി വിധി വന്നിരുന്നു. കേസിൽ ഗൂഢാലോചനാക്കുറ്റമാണ് സി.ബി.ഐ. ചന്ദ്രശേഖരനെതിരെ ചുമത്തിയിരുന്നത്.

The news reports on the controversy surrounding the LDF (Left Democratic Front) nomination of P.P. Suresan, an accused (the 28th) in the high-profile Ariyil Shukoor murder case, for the local body elections in Kerala.

Shukoor, a Muslim Students Federation (MSF) activist, was murdered in 2012 following an attack on the vehicle of then-CPM district secretary P. Jayarajan and MLA T.V. Rajesh. Suresan is contesting as a CPI(M) candidate from the Velippachankil ward of Pattuvam Grama Panchayat.