മാവേലിക്കര: പതിമൂന്ന് വർഷത്തോളം നിയമത്തിന്റെ കണ്ണുവെട്ടിച്ച് ഒളിവിൽ കഴിഞ്ഞിരുന്ന പ്രതിയെ പൊലിസ് പിടികൂടി. മാവേലിക്കര ഭരണിക്കാവ് സ്വദേശിയായ മോഹനൻ (55) ആണ് അറസ്റ്റിലായത്. 2012-ൽ നടന്ന അടിപിടി കേസിൽ കോടതിയിൽ ഹാജരാകാതെ ഒളിവിലായിരുന്ന ഇയാൾക്കെതിരെ ലോങ് പെൻഡിംഗ് (എൽ.പി.) വാറണ്ട് നിലവിലുണ്ടായിരുന്നു.

വരാനിരിക്കുന്ന തദ്ദേശ സ്വയംഭരണ തിരഞ്ഞെടുപ്പിനോടനുബന്ധിച്ച്, സംസ്ഥാനത്തെ നിലവിലുള്ള ലോങ് പെൻഡിംഗ് കേസുകളിലെ പ്രതികളെക്കുറിച്ച് പൊലിസ് നടത്തിയ പ്രത്യേക അന്വേഷണമാണ് മോഹനനെ കുടുക്കിയത്. ഭരണിക്കാവ് തെക്കേമങ്കുഴി മുറിയിൽ പേരൂർ കോട്ടയിൽ വീട്ടിൽ മോഹനൻ, 2012 ജനുവരി ഒന്നിനാണ് കേസിനാസ്പദമായ സംഭവത്തിൽ പങ്കാളിയായത്.

ALSO READ: ഏത് നിമിഷവും ആക്രമിക്കപ്പെടാം; തെളിവിനായി സ്ഥാപിച്ച സിസിടിവി നീക്കണമെന്നാവശ്യപ്പെട്ട് അയൽവാസി സമർപ്പിച്ച ഹരജി ഹൈക്കോടതി തള്ളി

ആധാര രജിസ്ട്രേഷനുമായി ബന്ധപ്പെട്ട തർക്കത്തെ തുടർന്ന് തെക്കേ മങ്കുഴി സ്വദേശിയായ സുശീലനെ മർദിച്ച കേസിലാണ് മോഹനൻ പ്രതിയായത്. സംഭവത്തിന് പിന്നാലെ ഇയാൾ ഒളിവിൽ പോവുകയായിരുന്നു.

പല സ്ഥലങ്ങളിലായി കൂലിപ്പണി ചെയ്തും ലോട്ടറി വിറ്റുമാണ് ഇത്രയും കാലം ഒളിവിൽ കഴിഞ്ഞിരുന്നത്. രാത്രി കാലങ്ങളിൽ പ്രതി വള്ളിക്കുന്നം പൊലിസ് സ്റ്റേഷൻ പരിധിയിൽ വന്നുപോകുന്നതായി പൊലിസിന് രഹസ്യവിവരം ലഭിച്ചിരുന്നു. തുടർന്ന് നടത്തിയ അന്വേഷണത്തിലാണ് ചെങ്ങന്നൂർ മടത്തുംമട ഭാഗത്ത് ഒളിവിൽ താമസിക്കുകയായിരുന്ന പ്രതിയെ വള്ളിക്കുന്നം പൊലിസ് പിടികൂടിയത്. പ്രതിയെ കായംകുളം ജുഡീഷ്യൽ ഒന്നാം ക്ലാസ് മജിസ്‌ട്രേറ്റ് കോടതിയിൽ ഹാജരാക്കി റിമാൻഡ് ചെയ്തു.

A 55-year-old man, Mohanan from Bharanikavu, who had been absconding for thirteen years, was finally arrested by the police. He was wanted in a 2012 assault case related to a dispute over property registration, and an L.P. (Long Pending) warrant was issued against him. The arrest was made by the Vallikunnam police during a special drive targeting long-pending cases ahead of the local elections. He was subsequently presented before the Kayamkulam Judicial First Class Magistrate Court and remanded.