കൊൽക്കത്ത: ദക്ഷിണാഫ്രിക്കയ്‌ക്കെതിരായ രണ്ട് മത്സര ടെസ്റ്റ് പരമ്പരയിലെ ആദ്യ പോരാട്ടത്തിന്റെ ആദ്യ ദിനം ഇന്ത്യൻ പേസർ ജസ്പ്രീത് ബുംറയുടെ അതിഗംഭീര പ്രകടനത്തിന് സാക്ഷ്യം വഹിച്ചു. ഈഡൻ ഗാർഡൻസിൽ ടോസ് നേടി ബാറ്റിംഗ് തിരഞ്ഞെടുത്ത ദക്ഷിണാഫ്രിക്കയെ ബുംറയുടെ തീ തുപ്പുന്ന പന്തുകൾ 159 റൺസിന് കൂടാരം കയറ്റി.ദക്ഷിണാഫ്രിക്കൻ ഓപ്പണർമാരായ ഐഡൻ മാർക്രം (31), റയാൻ റിക്കിൾട്ടൺ (23) എന്നിവർ 57 റൺസിന്റെ കൂട്ടുകെട്ടുമായി തുടങ്ങിയെങ്കിലും, ബുംറയുടെ വേഗതയ്ക്ക് മുന്നിൽ ആ പ്രതിരോധം തകർന്നു. 

14 ഓവറിൽ വെറും 27 റൺസ് മാത്രം വഴങ്ങി അഞ്ച് വിക്കറ്റുകൾ വീഴ്ത്തിയ ബുംറയുടെ പ്രകടനമാണ് ഇന്ത്യയ്ക്ക് ആദ്യ ദിനം തന്നെ ആധിപത്യം നൽകിയത്.മറുപടി ബാറ്റിംഗിനിറങ്ങിയ ഇന്ത്യ, 45 ഓവറിൽ 4 വിക്കറ്റ് നഷ്ടത്തിൽ 138 റൺസെടുത്തു. ഇപ്പോൾ 21 റൺസ് പിന്നിലാണ് ടീം. ജഡേജ (11), ജുറൽ (5) എന്നിവരാണ് ക്രീസിൽ.

 ബുംറയുടെ നാല് ചരിത്ര നാഴികക്കല്ലുകൾ

31-കാരനായ ജസ്പ്രീത് ബുംറയുടെ 5/27 എന്ന ഈ അസാമാന്യ പ്രകടനം വഴിമരുന്നിട്ടത് നാല് സുപ്രധാന റെക്കോർഡ് നേട്ടങ്ങൾക്കാണ്.

1. ടെസ്റ്റ് അഞ്ച് വിക്കറ്റ് നേട്ടത്തിൽ ചന്ദ്രശേഖറിനൊപ്പം

തന്റെ 51-ാമത് ടെസ്റ്റിൽ ബുംറ നേടുന്ന 16-ാമത്തെ അഞ്ച് വിക്കറ്റ് നേട്ടമാണിത്. ഇതോടെ, 58 ടെസ്റ്റുകളിൽ 16 തവണ ഈ നേട്ടം കൈവരിച്ച ലെഗ് സ്പിന്നർ ഭഗവത് ചന്ദ്രശേഖറിനൊപ്പം ഇന്ത്യൻ ബൗളർമാരിൽ ഏറ്റവും കൂടുതൽ അഞ്ച് വിക്കറ്റ് നേട്ടങ്ങളിൽ ബുംറ അഞ്ചാം സ്ഥാനത്തെത്തി.

ഇന്ത്യൻ ബൗളർമാരിൽ ഏറ്റവും കൂടുതൽ ടെസ്റ്റ് അഞ്ച്-വിക്കറ്റ് നേട്ടങ്ങളിൽ അഞ്ചാമത്

ബുംറയുടെ 51-ാം ടെസ്റ്റിൽ നിന്നുള്ള 16-ാമത്തെ അഞ്ച്-വിക്കറ്റ് നേട്ടമാണ് ഈ 5/27. ഇതോടെ 58 ടെസ്റ്റുകളിൽ 16 അഞ്ച്-വിക്കറ്റ് നേട്ടങ്ങൾ നേടിയ ഭഗവത് ചന്ദ്രശേഖറിന് (ലെഗ് സ്പിൻ) ഒപ്പം അഞ്ചാം സ്ഥാനത്തെത്തി. പട്ടികയിൽ ഒന്നാം സ്ഥാനം രവിചന്ദ്രൻ അശ്വിന്റെ (106 ടെസ്റ്റുകൾ, 37 നേട്ടങ്ങൾ), രണ്ടാം സ്ഥാനം അനിൽ കുംബ്ലെയുടെ (132 ടെസ്റ്റുകൾ, 35 നേട്ടങ്ങൾ), മൂന്നാം സ്ഥാനം ഹർഭജൻ സിംഗിന്റെ (103 ടെസ്റ്റുകൾ, 25 നേട്ടങ്ങൾ), നാലാം സ്ഥാനം കപിൽ ദേവിന്റെ (131 ടെസ്റ്റുകൾ, 23 നേട്ടങ്ങൾ).

2. ഏഷ്യൻ ഉപഭൂഖണ്ഡത്തിന് പുറത്ത് റെക്കോർഡ്!

സബ്-കണ്ടിനന്റ് രാജ്യങ്ങൾക്കെതിരെ ഏറ്റവും കൂടുതൽ ടെസ്റ്റ് അഞ്ച് വിക്കറ്റ് നേട്ടം നേടുന്ന ഏഷ്യൻ ബൗളർ എന്ന റെക്കോർഡ് ബുംറ സ്വന്തമാക്കി. 13 അഞ്ച് വിക്കറ്റ് നേട്ടങ്ങളോടെ മുൻ പാക് പേസർ വസീം അക്രമിനെ (12 നേട്ടങ്ങൾ) ആണ് ബുംറ മറികടന്നത്.

3.17 വർഷത്തിനിടെ ഇന്ത്യയിൽ നടക്കുന്ന ഒരു റെഡ് ബോൾ ടെസ്റ്റിന്റെ ആദ്യ ദിനത്തിൽ അഞ്ച് വിക്കറ്റ് വീഴ്ത്തുന്ന താരം

വെള്ളിയാഴ്ച കൊൽക്കത്തയിൽ നടന്ന മത്സരത്തിൽ ജസ്പ്രീത് ബുംറ തകർപ്പൻ പ്രകടനം കാഴ്ച്‌ചവച്ചു. 17 വർഷത്തിനിടെ ഇന്ത്യയിൽ ഒരു റെഡ് ബോൾ ടെസ്റ്റിന്റെ ആദ്യ ദിവസം തന്നെ അഞ്ച് വിക്കറ്റ് നേട്ടം കൈവരിക്കുന്ന ആദ്യ ബൗളറായി.2008-ൽ അഹമ്മദാബാദിൽ ഇന്ത്യ 76 റൺസിന് പുറത്തായപ്പോൾ ദക്ഷിണാഫ്രിക്കയുടെ ഇതിഹാസ പേസർ ഡെയ്‌ൽ സ്റ്റെയ്ൻ എട്ട് ഓവറിൽ 23 റൺസ് വഴങ്ങി അഞ്ച് വിക്കറ്റ് വീഴ്ത്തിയാണ് ഈ നേട്ടം കൈവരിച്ചത്. ദക്ഷിണാഫ്രിക്കയുടെ ഈ ഇതിഹാസ പേസർ ഡെയ്ൽ സ്റ്റെയ്‌ൻ ആണ് ഈ നേട്ടം കൈവരിച്ച അവസാന ബൗളർ. ആ മത്സരത്തിൽ ദക്ഷിണാഫ്രിക്ക ഇന്നിംഗ്സിനും 90 റൺസിനും വിജയിച്ചു.ഇതിൽ അഞ്ച് നേട്ടങ്ങൾ ഇംഗ്ലണ്ടിനെതിരെയും നാല് വീതം ദക്ഷിണാഫ്രിക്കയ്ക്കും ഓസ്‌ട്രേലിയയ്‌ക്കുമെതിരെയാണ്.

3. ഷമിയെ മറികടന്നു, ടെസ്റ്റ് വിക്കറ്റ് വേട്ടയിൽ അഞ്ചാമത്

ഈ അഞ്ച് വിക്കറ്റുകളോടെ ടെസ്റ്റ് കരിയറിലെ ബുംറയുടെ വിക്കറ്റ് നേട്ടം 231 ആയി. 64 ടെസ്റ്റുകളിൽ 229 വിക്കറ്റ് നേടിയ മുഹമ്മദ് ഷാമിയെ മറികടന്ന് ഇന്ത്യയുടെ ടെസ്റ്റ് വിക്കറ്റ് വേട്ടക്കാരിൽ ബുംറ അഞ്ചാം സ്ഥാനത്തെത്തി.

ബുംറയുടെ ഈ അവിസ്മരണീയ പ്രകടനം ഇന്ത്യൻ ക്രിക്കറ്റ് ആരാധകരെ ആവേശത്തിലാഴ്ത്തിയിരിക്കുകയാണ്. രണ്ടാം ദിനം (ശനിയാഴ്ച) ഇന്ത്യൻ ബാറ്റിംഗ് തുടരുമ്പോൾ, ദക്ഷിണാഫ്രിക്കൻ പേസ് ആക്രമണത്തെ മറികടന്ന് വലിയ ലീഡ് നേടാൻ ഇന്ത്യ ശ്രമം.