ഇടുക്കി: തദ്ദേശ സ്വയംഭരണ തിരഞ്ഞെടുപ്പ് പ്രചാരണത്തിനിടെ സ്ഥാനാർഥിക്ക് വളർത്തുനായയുടെ കടിയേറ്റു. ഇടുക്കി ബൈസൺവാലി പഞ്ചായത്തിലെ രണ്ടാം വാർഡിലാണ് തെരഞ്ഞെടുപ്പ് ചൂട് അടുത്തിരിക്കെ അണികളെയും പാർട്ടിയെയും ഞെട്ടിച്ച അപ്രതീക്ഷിത സംഭവം. യുഡിഎഫ് സ്ഥാനാഥിയായ ജാൻസി വിജുവിനാണ് വോട്ടഭ്യർത്ഥിച്ചെത്തിയ വീട്ടിലെ നായയുടെ കടിയേറ്റത്.

ALSO READ: സ്ഥാനാർഥി നിർണയത്തിൽ നേതൃത്വവുമായി തർക്കം; ആർഎസ്എസ് പ്രവർത്തകൻ ജീവനൊടുക്കി

ഇന്ന് രാവിലെ പത്ത് മണിയോടെ ബൈസൺവാലി ഇരുപതേക്കറിലാണ് സംഭവം. പ്രവർത്തകർക്കൊപ്പം വോട്ട് തേടി ഒരു വീട്ടിലേക്ക് കയറുന്നതിനിടെ, കൂട്ടിൽ നിന്നും അഴിഞ്ഞു നടന്ന നായ പാഞ്ഞെത്തി ജാൻസിയുടെ കാലിൽ കടിക്കുകയായിരുന്നു.

ALSO READ: ജോലി രാജിവെച്ച് നാട്ടിലേക്ക് പോയതിനാൽ‌ ഇപ്പോഴും ജീവൻ ബാക്കി; വാൽപ്പാറയിൽ വീട് തകർത്ത് ഒറ്റയാൻ

ഉടൻ തന്നെ ഒപ്പമുണ്ടായിരുന്ന പ്രവർത്തകർ സ്ഥാനാർഥിയെ അടിമാലി താലൂക്ക് ആശുപത്രിയിൽ എത്തിച്ചു. പ്രാഥമിക ചികിത്സകൾ നൽകിയ ശേഷം ജാൻസി വിശ്രമമില്ലാതെ ഉച്ചകഴിഞ്ഞ് തന്നെ വീണ്ടും പ്രചാരണരംഗത്തേക്ക് തിരിച്ചെത്തി.

A political candidate who visited a house to ask for votes was bitten by the resident's dog. After receiving medical treatment, the candidate was undeterred and promptly returned to the campaign trail.