ദുബൈ: കാര്യക്ഷമതയുടെയും വേഗതയുടെയും ഉദാഹരണമായി, ദുബൈയിലെ അൽ ഖുദ്ര സൈക്ലിംഗ് ട്രാക്കിലെ തകരാർ റിപ്പോർട്ട് ചെയ്ത് 12 മണിക്കൂറിനുള്ളിൽ പരിഹരിച്ച് അധികൃതർ. ദുബൈയിൽ താമസിക്കുന്ന ഒരു സൈക്ലിസ്റ്റാണ് റോഡിലെ തകരാർ അധികൃതരുടെ ശ്രദ്ധയിൽപ്പെടുത്തിയത്.

ചൊവ്വാഴ്ച രാവിലെ 9:30-ഓടെയാണ് സംഭവം. ഡ്രോൺ ഉപയോഗിച്ച് പ്രദേശം നിരീക്ഷിച്ചുകൊണ്ടിരുന്ന അധികാരികൾ, ട്രാക്കിനെക്കുറിച്ച് എന്തെങ്കിലും റിപ്പോർട്ട് ചെയ്യാനുണ്ടോ എന്ന് സൈക്ലിസ്റ്റിനോട് ചോദിച്ചപ്പോഴാണ് അദ്ദേഹം റോഡിലെ നേരിയ തകരാറിനെക്കുറിച്ച് പരാമർശിച്ചത്.

ALSO READ: വഞ്ചനാ കേസിൽ പ്രതിയായ ഇന്ത്യൻ പൗരനെ നാടുകടത്തി യുഎഇ

പരാതി നൽകിയ ശേഷം സൈക്കിൾ യാത്രികൻ അബൂദബിയിലേക്ക് പോയി. വൈകുന്നേരം തിരികെ വന്നപ്പോൾ സൈക്ലിംഗ് ട്രാക്കിൽ ട്രാക്ക് ശരിയാക്കാനെത്തിയ ജോലിക്കാരെ കണ്ട് അദ്ദേഹം അദ്ഭുതപ്പെട്ടു. എന്താണ് നിർമ്മാണ പ്രവർത്തനങ്ങൾക്ക് പിന്നിലെ കാരണമെന്ന് അന്വേഷിച്ചപ്പോഴാണ്, താൻ റിപ്പോർട്ട് ചെയ്ത തകരാർ നന്നാക്കാനുള്ള ശ്രമങ്ങളാണെന്ന് മനസ്സിലായത്. റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) യുടെ കീഴിലുള്ള സംഘമാണ് അറ്റകുറ്റപ്പണിക്ക് മേൽനോട്ടം വഹിച്ചത്.

ദുബൈ പൊലിസും RTAയും നിർമ്മാണ കമ്പനിയും തമ്മിലുള്ള ആശയവിനിമയത്തെ ദുബൈ നിവാസി പ്രകീർത്തിച്ചു. തകരാർ ചൂണ്ടിക്കാണിച്ചതിന് ശേഷം 12 മണിക്കൂറിനുള്ളിൽ പ്രശ്നം പരിഹരിക്കാൻ ഈ ഏജൻസികൾ ഒറ്റക്കെട്ടായി പ്രവർത്തിച്ചു.

ALSO READ: റെക്കോഡ് നേട്ടവുമായി ഇത്തിഹാദ് എയർവേസ്; 9 മാസ ലാഭം 1.7 ബില്യൺ ദിർഹം; 26% വർധന; 16.1 ദശലക്ഷം യാത്രക്കാർ 

"ദുബൈയിൽ മാത്രമേ അധികൃതർ ഇത്ര വേഗത്തിൽ പ്രതികരിക്കുകയുള്ളൂ," അദ്ദേഹം തന്റെ സോഷ്യൽ മീഡിയയിൽ പങ്കുവെച്ച വീഡിയോയിൽ പറഞ്ഞു. ട്രാക്ക് കൂടുതൽ സുരക്ഷിതമാക്കിയതിന് അധികാരികൾക്ക് നന്ദി അറിയിച്ച അദ്ദേഹം, സൈക്ലിംഗ് സമൂഹത്തിന്റെ പേരിൽ പ്രത്യേക അഭിനന്ദനവും രേഖപ്പെടുത്തി. 10,000-ൽ അധികം ഫോളോവേഴ്‌സുള്ള ഈ സൈക്ലിസ്റ്റ്, തന്റെ ബൈക്കിംഗ് അനുഭവങ്ങളെക്കുറിച്ചുള്ള കണ്ടന്റുകൾ പതിവായി പങ്കുവെക്കുകയും, റൈഡർമാരുടെ സുരക്ഷ ഉറപ്പാക്കാനുള്ള അധികാരികളുടെ ശ്രമങ്ങളെ പലപ്പോഴും എടുത്ത് കാണിക്കുകയും ചെയ്യുന്ന വ്യക്തിയാണ്.

a cyclist in dubai praised local authorities for their remarkable efficiency after a road defect he reported was repaired within just 12 hours. he stated that such quick action is something he believes happens “only in dubai,” highlighting the city’s commitment to public safety, smooth transportation, and rapid problem-solving. the timely response showcases dubai’s strong infrastructure management and dedication to addressing citizen concerns without delay.