ഗസ്സ: ഒരിക്കല്‍ കൂടി പെരുമഴയില്‍ നനയുകയാണ് ഗസ്സ. വെടിനിര്‍ത്തല്‍ പ്രഖ്യാപിച്ചിട്ടും തീരാത്ത ആക്രമണങ്ങള്‍ക്കൊപ്പം കഴിഞ്ഞ ദിവസം ഗസ്സയില്‍ കനത്ത മഴയും പെയ്തു. ഖാന്‍ യൂനിസില്‍ കുടിയിറക്കപ്പെട്ട ഫലസ്തീനികള്‍ താമസിക്കുന്ന ടെന്റുകളില്‍ വെള്ളം കയറി. പടിഞ്ഞാറന്‍ ഖാന്‍ യൂനിസിലെ അല്‍ മവാസിയില്‍ അഭയാര്‍ഥി ക്യാമ്പുകളില്‍ നിരവധി ടെന്റുകള്‍ മഴയില്‍ മുങ്ങിയെന്ന് സിവില്‍ ഡിഫന്‍സ് പ്രസ്താവനയില്‍ അറിയിക്കുന്നു.

വെള്ളിയാഴ്ച പുലര്‍ച്ചെ മുതല്‍ ഗസ്സയില്‍ ശീതക്കാറ്റും കനത്ത മഴയും അനുഭവപ്പെടുന്നുണ്ടായിരുന്നു. തുടര്‍ന്ന് ശക്തമായ മഴയുമുണ്ടായി.  ഇസ്‌റാഈല്‍ ആക്രമണത്തെ തുടര്‍ന്ന് ഭവനരഹിതരായ 1.5 മില്യണ്‍ ജനങ്ങളുടെ ജീവിതം ഇതോടെ കൂടുതല്‍ ദുരിതത്തിലായിരിക്കുകയാണ്. കാലാവസ്ഥാ വ്യതിയാനവും ഇസ്‌റാഈല്‍ ആക്രമണത്തിലുണ്ടായ നാശനഷ്ടങ്ങളും കാരണം ആകെയുള്ള 135,000 ടെന്റുകളില്‍ 125,000 ടെന്റുകളും താമസയോഗ്യമല്ലെന്ന് ഗസ്സ ഗവണ്‍മെന്റ് മീഡിയ ഓഫിസ് ചൂണ്ടിക്കാട്ടുന്നു. 

ALSO READ: ഒരു മാസത്തിനിടെ ഇസ്‌റാഈല്‍ വെടിനിര്‍ത്തല്‍ കരാര്‍ ലംഘിച്ചത് 282 തവണ, കൊല്ലപ്പെട്ടത് 242 ഫലസ്തീനികള്‍

കനത്ത മഴയിലെ അഭയാര്‍ഥി ക്യാമ്പുകള്‍ വെള്ളത്തില്‍ മുങ്ങിയതിനാല്‍ ഗസ്സയിലേക്ക് അടിയന്തര സഹായമെത്തിക്കണമെന്ന് ഫലസ്തീന്‍ അഭയാര്‍ഥികള്‍ക്കായുള്ള യുഎന്‍ ഏജന്‍സിയായ യുഎന്‍ആര്‍ഡബ്ലിയുഎ ആവശ്യപ്പെട്ടു. ഒക്ടോബര്‍ 10 മുതല്‍ പ്രാബല്യത്തില്‍ വന്ന വെടിനിര്‍ത്തല്‍ കരാര്‍ പ്രകാരമുള്ള ബാധ്യതകള്‍ ലംഘിച്ചുകൊണ്ട്, ടെന്റുകള്‍, മൊബൈല്‍ ഹോമുകള്‍ തുടങ്ങിയവയുടെ പ്രവേശനം തടയുന്നത് ഇസ്‌റാഈല്‍ തുടരുകയാണ്. 

ALSO READ: യുഎസില്‍ താരിഫ് വെട്ടിക്കുറച്ച് ട്രംപ് : ബീഫിനും കോഫിക്കും പുറമേ നേന്ത്രപ്പഴമടക്കമുള്ള ഭക്ഷണസാധനങ്ങള്‍ക്ക് വില കുറയും

2023 ഒക്ടോബര്‍ ഏഴ് മുതല്‍ തുടങ്ങിയ ആക്രമണത്തില്‍ 69,000 ഫലസ്തീനികളെയാണ് ഇസ്‌റാഈല്‍ കൊന്നൊടുക്കിയത്.

heavy rainfall in khan yunis caused severe flooding in tents, leaving displaced gaza residents soaked and shivering as humanitarian conditions worsen.