തിരുവനന്തപുരം: തിരുവനന്തപുരം നഗരസഭയില്‍ ഉള്ളൂര്‍ വാര്‍ഡിലും സി.പി.എമ്മിന് വിമത സ്ഥാനാര്‍ഥി. ഉള്ളൂരില്‍ കെ ശ്രീകണ്ഠന്‍ സ്വതന്ത്ര സ്ഥാനാര്‍ത്ഥിയായി മത്സരിക്കും.ദേശാഭിമാനി തിരുവനന്തപുരം മുന്‍ ബ്യൂറോ ചീഫും സി.പി.എം ഉള്ളൂര്‍ ലോക്കല്‍ കമ്മിറ്റി അംഗവുമാണ് ശ്രീകണ്ഠന്‍. 

തിരുവനന്തപുരത്ത് സി.പി.എമ്മിന് വെല്ലുവിളിയായി നിരവധി പേരാണ് വിമതരായി മത്സരിക്കുന്നത്. പാര്‍ട്ടി അംഗവും മുന്‍ ബ്രാഞ്ച് സെക്രട്ടറിയുമായ ലിജു എസ് ആണ് ഉള്ളൂരിലെ എല്‍.ഡി.എഫ് സ്ഥാനാര്‍ഥി. 

അതേസമയം, സംഭവത്തില്‍ പ്രതികരണവുമായി വിദ്യാഭ്യാസമന്ത്രി വി ശിവന്‍കുട്ടി രംഗത്തെത്തി. വലിയ രാഷ്ട്രീയപാര്‍ട്ടികള്‍ ആകുമ്പോള്‍ ഇത്തരം ചില അപശബ്ദങ്ങള്‍ ഉണ്ടാകുമെന്നായിരുന്നു ഉള്ളൂരിലെ സി.പി.എമ്മിന്റെ വിമത സ്ഥാനാര്‍ത്ഥിയെ കുറിച്ചുള്ള ശിവന്‍കുട്ടിയുടെ പ്രതികരണം. അത് വലിയ ക്രൂരതയിലേക്ക് ഒന്നും പോകുന്നില്ല. ജനാധിപത്യം തുടങ്ങിയ അന്നുമുതല്‍ വിമതരുമുണ്ട്. 101 സ്ഥാനാര്‍ത്ഥികളെ മാത്രമല്ലേ പ്രഖ്യാപിക്കാന്‍ കഴിയുകയുള്ളൂ. സീറ്റ് കിട്ടാത്ത ചിലര്‍ ഇത്തരം വിമതരാകും. പക്ഷേ ബി.ജെ.പിയില്‍ ഉള്ളത് പോലുള്ള കെടുതിയില്ലെന്നും മന്ത്രി പറഞ്ഞു. 

In the Thiruvananthapuram Corporation elections, the CPI(M) faces internal rebellion as K. Sreekandan, former Deshabhimani Thiruvananthapuram Bureau Chief and a local committee member, is contesting as an independent candidate from the Ulloor ward. The official LDF candidate in the ward is Liju S, a party member and former branch secretary. Multiple rebel candidates have emerged across Thiruvananthapuram, posing challenges for the CPI(M).