വെള്ളത്തൂവല്‍: അധ്യക്ഷനാകേണ്ട സ്ഥലം എം എല്‍ എ യെ കാത്ത് ഉദ്ഘാടകനായ മന്ത്രി വേദിയില്‍ കയറാതെ അരമണിക്കൂര്‍ കാത്തുനിന്നു. വെളളത്തൂവല്‍ ജലവൈദ്യുതി പദ്ധതിയുടെ ഉദ്ഘാലത്തിനെത്തിയ മന്ത്രി കടകംപളളി സുരേന്ദ്രനാണ് അധ്യക്ഷന്‍ റോഷി അഗസ്റ്റിന്‍ എം.എല്‍.എ കാത്ത് ഏറെ സമയം വേദിയില്‍ കയറാതെ നിന്നത്. ഇന്നലെ വൈകിട്ട് അഞ്ചിന് വെളളത്തൂവല്‍ ജലവൈദ്യുതി പദ്ധതിയുടെ ഉദ്ഘാടന വേദിയിലാണ് അധ്യക്ഷനെ കാത്ത് മന്ത്രി നിന്നത്. ഒടുവില്‍ സഹികെട്ട് കൊന്നത്തടി പഞ്ചായത്ത് പ്രസിഡന്റ് വി.കെ.മോഹനന്‍ നായരുടെ അധ്യക്ഷതയില്‍ യോഗം തുടങ്ങിയെങ്കിലും സ്വാഗതവും റിപ്പോര്‍ട്ട് അവതരണവും കഴിയുന്നതിന് മുന്‍പ് അധ്യക്ഷനും മുഖ്യപ്രഭാകനായ എം.പിയും വേദിയിലെത്തി.
ആരോഗ്യ മന്ത്രിയുടെ യോഗം നടക്കുന്നതിനാലാണ് താന്‍ താമസിച്ചതെന്നും ക്ഷമിക്കണമെന്ന് അഭ്യര്‍ത്ഥിച്ച് അധ്യക്ഷന്‍ പ്രസംഗം പെട്ടെന്ന് നിര്‍ത്തുകയും ചെയ്തു. അതിഥികളെ സ്വീകരിച്ചത് എല്‍ ഇ ഡി ബള്‍ബ് നല്‍കിയായത് മറ്റൊരു വ്യത്യസ്ഥതയായി.