പുല്‍പ്പറ്റ: നിര്‍ധനരായ വിദ്യാര്‍ഥികള്‍ക്ക് സഹപാഠികളുടെ വക ഓണം പെരുന്നാള്‍ പുതുവസ്ത്ര വിതരണം. പൂക്കൊളത്തൂര്‍ സി.എച്ച്.എം ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികളാണ് നിര്‍ധനരായ സഹപാഠികള്‍ക്ക് ഓണംപെരുന്നാള്‍ ആഘോഷങ്ങള്‍ക്കായി പുതുവസ്ത്രം വിതരണം ചെയ്തത്.
പുതുവസ്ത്രങ്ങള്‍ക്കായി വിദ്യാര്‍ഥികള്‍ രംഗത്തിറങ്ങിയതോടെ അധ്യാപകരും രക്ഷിതാക്കളും നാട്ടുകാരും എല്ലാവിധ പിന്തുണയും നല്‍കി.
പുല്‍പ്പറ്റ പഞ്ചായത്ത് പ്രസിഡന്റ് സി.എച്ച് സൈനബ ചടങ്ങ് ഉദ്ഘാടനം ചെയ്തു.
പ്രധാനാധ്യാപകന്‍ അജയകുമാര്‍ അധ്യക്ഷനായി.
ഗ്രാമ പഞ്ചായത്ത് അംഗം ആക്കപുറത്ത് കൃഷ്ണന്‍, സ്റ്റാഫ് സെക്രട്ടറി കെ.ടി നാസര്‍, അധ്യാപകരായ മീരാ ഭായ്, ജോജോ മാത്യൂ, സക്കീര്‍, ജയിംസ്, ആര്യ,. ഫൗസിയ, റഹ് മതുള്ള, രാമകൃഷ്ണന്‍, ഉമ്മര്‍ സംബന്ധിച്ചു.