തിരുവനന്തപുരം: ശബരിമല സ്വര്‍ണക്കൊള്ള കേസില്‍ മുതിര്‍ന്ന സി.പി.എം നേതാവും മുന്‍ ദേവസ്വം പ്രസിഡന്റുമായ എ.പത്മകുമാര്‍ അറസ്റ്റിലായ വിഷയം ചര്‍ച്ച ചെയ്യാതെ സി.പി.എം പത്തനംതിട്ട ജില്ലാ കമ്മിറ്റി. യോഗത്തില്‍ സംസ്ഥാന സെക്രട്ടറി എം.വി ഗോവിന്ദനും ഇന്നത്തെ യോഗത്തില്‍ പങ്കെടുത്തിരുന്നു. 

നടന്നത് തെരഞ്ഞെടുപ്പ് കമ്മറ്റിയാണെന്നും പത്മകുമാര്‍ വിഷയം ചര്‍ച്ച ചെയ്തിട്ടില്ലെന്ന് അദ്ദേഹം പറഞ്ഞു. പാര്‍ട്ടി വിശ്വസിച്ച് ചുമതല ഏല്‍പ്പിച്ചവര്‍ പാര്‍ട്ടിയോട് നീതി പുലര്‍ത്തിയില്ലെന്നാണ് എം വി ഗോവിന്ദന്‍ പ്രതികരിച്ചത്. എന്‍ വാസു ഉദ്യോഗസ്ഥനായിരുന്നു. എന്നാല്‍ പത്മകുമാര്‍ അങ്ങനെയല്ല. കുറ്റപത്രം സമര്‍പ്പിച്ച ശേഷം ശക്തമായ നടപടി ഉണ്ടാകുമെന്നും എം വി ഗോവിന്ദന്‍ വ്യക്തമാക്കി.

അയ്യപ്പന്റെ ഒരു തരി പൊന്നുപോലും നഷ്ടമാകില്ല. സ്വര്‍ണക്കൊള്ളയില്‍ സി.പി.എമ്മില്‍ ആര്‍ക്കെങ്കിലും പങ്കുണ്ടെങ്കില്‍ പാര്‍ട്ടി നടപടിയുണ്ടാകുമെന്നും അദ്ദേഹം പറഞ്ഞു.

ശബരിമല സ്വര്‍ണ്ണമോഷണക്കേസില്‍ അന്വേഷണ സംഘം ഒന്നിന് പുറകെ ഒന്നായി പാര്‍ട്ടി നേതാക്കളിലേക്ക് എത്തുന്നത് തെരഞ്ഞെടുപ്പ് കാലത്ത് സിപിഎമ്മിനെ പ്രതിരോധത്തിലാക്കിയിരിക്കുകയാണ്. അതേസമയം തിടുക്കപ്പെട്ട നടപടി ഗുണം ചെയ്യില്ലെന്നാണ് പാര്‍ട്ടി സംസ്ഥാന നേതൃത്വത്തിന്റെ നിലപാട്.

പ്രത്യേക അന്വേഷണ സംഘം അറസ്റ്റ് ചെയ്ത എ.പത്മകുമാര്‍ നിലവില്‍ റിമാന്‍ഡിലാണ്. മുഖ്യപ്രതിക്ക് എല്ലാ ഒത്താശയും ചെയ്തുകൊടുത്തത് പത്മകുമാറാണെന്ന നിഗമനത്തിലാണ് അന്വേഷണസംഘം.

CPM’s M.V. Govindan says those given responsibility failed to act fairly in the Sabarimala gold heist case, adding that no gold of Lord Ayyappa will be lost. He clarifies the Padmakumar arrest was not discussed in the district committee meeting and promises strong action after the chargesheet.