കൊളത്തൂര്‍: മോഷ്ടിച്ച ബൈക്കുമായി വന്നയാളെ കൊളത്തൂര്‍ പൊലിസ് പിടികൂടി. കല്‍പ്പകഞ്ചേരി കാരക്കുന്ന് സ്വദേശി ഹംസ (43)യെയാണ് പിടികൂടിയത്. ഇന്നലെ പുലര്‍ച്ചെ 2:30 ഓടെ സംശയാസ്പദമായ സാഹചര്യത്തില്‍ പടപ്പറമ്പ് ടൗണില്‍ കാണപ്പെട്ട ബൈക്ക് യാത്രക്കാരെ പൊലിസ് പരിശോധിച്ചപ്പോഴാണ് പ്രതി പിടിയിലായത്. ബൈക്ക് നിര്‍ത്താന്‍ പൊലിസുകാര്‍ ആവശ്യപ്പെട്ടെങ്കിലും ബൈക്ക് നിര്‍ത്താത്തതിനെ തുടര്‍ന്ന് പിന്തുടരുകയായിരുന്നു. തല്‍ക്ഷണം ബൈക്ക് യാത്രികരില്‍ ഒരാള്‍ ഓടി രക്ഷപ്പെട്ടു. ഹംസയെ പൊലിസ് പിടികൂടി ചോദ്യം ചെയ്തതിനെ തുടര്‍ന്ന് ബൈക്ക് നാട്ടുകല്‍ പോലിസ് സ്റ്റേഷന്‍ പരിധിയില്‍ നിന്നും മോഷ്ടിച്ചതാണെന്ന് കണ്ടെത്തി. കൊളത്തൂര്‍ പൊലിസ് കേസ് രജിസ്റ്റര്‍ ചെയ്തു. പ്രതിയെ പെരിന്തല്‍മണ്ണ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
എസ്.ഐ പി.വിഷ്ണു, വര്‍ഗീസ്, എസ്.സി.പി.ഒ രാമദാസ്, അനില്‍ കുമാര്‍, സി.പി.ഒ വിനോദ്, ബിനു, മഹേഷ്, ഹോംഗാര്‍ഡ് ജാഫര്‍ തുടങ്ങിയവരാണ് സംഘത്തിലുണ്ടായിരുന്നത്.