ദോഹ: ഖത്തറും അസര്‍ബൈജാനും തമ്മിലുള്ള സംയുക്ത സാമ്പത്തിക, വ്യാപാര, സാങ്കേതിക സമിതിയുടെ നാലാം സമ്മേളനം ദോഹയില്‍ നടന്നു. ഇരുരാജ്യങ്ങളിലെയും പൊതുസ്വകാര്യ മേഖലകളിലെ ഉന്നത ഉദ്യോഗസ്ഥര്‍ യോഗത്തില്‍ പങ്കെടുത്തു. ഖത്തര്‍ പ്രതിനിധി സംഘത്തെ വിദേശകാര്യ സഹമന്ത്രിയായ ഡോ.അഹ്മദ് ബിന്‍ മുഹമ്മദ് അല്‍സയ്യിദ് നയിച്ചു. അസര്‍ബൈജാന്‍ സംഘത്തെ മന്ത്രി കമലദ്ദീന്‍ ഹെയ്ദറോവ് നയിച്ചു.

ഉദ്ഘാടന പ്രസംഗത്തില്‍ രണ്ട് രാജ്യങ്ങളും വ്യാപാരം, നിക്ഷേപം, സാമ്പത്തിക സഹകരണം തുടങ്ങിയ മേഖലകളിലെ ബന്ധങ്ങള്‍ കൂടുതല്‍ ശക്തിപ്പെടുത്താന്‍ പ്രതിബദ്ധമാണെന്ന് ഡോ. അല്‍സയ്യിദ് വ്യക്തമാക്കി.
കഴിഞ്ഞ സമ്മേളനത്തിന് ശേഷമുള്ള പുരോഗതി ചൂണ്ടിക്കാട്ടിയും ഇന്ധനം, ഇന്‍ഫ്രാസ്ട്രക്ചര്‍, ഊര്‍ജം, ലോജിസ്റ്റിക്കസ്, ഭക്ഷ്യസുരക്ഷ, ടൂറിസം, ഡിജിറ്റല്‍ ട്രാന്‍സ്ഫര്‍മേഷന്‍ എന്നീ മേഖലകളില്‍ സഹകരണം വര്‍ധിപ്പിക്കണമെന്നും അദ്ദേഹം നിര്‍ദേശിച്ചു.

ALSO READ: ഫിഫ അറബ് കപ്പ്; ആരാധകരെ ആവേശ കൊടുമുടിയിലെത്തിച്ച് ഔദ്യോഗിക സൗണ്ട് ട്രാക്ക് പുറത്ത്

ആവശ്യമുള്ള കരാറുകളുടെ കാര്യക്ഷമമായ നടത്തിപ്പിനും വ്യാപാര നടപടികള്‍ ലളിതമാക്കുന്നതിനും ഇരുരാജ്യങ്ങളുടെയും സ്വകാര്യ മേഖലകള്‍ക്ക് കൂടുതല്‍ പങ്ക് നല്‍കണമെന്നും അദ്ദേഹം പറഞ്ഞു.
സംയുക്ത സമിതിയുടെ ഈ യോഗം രണ്ടുരാജ്യങ്ങളുടെയും സുസ്ഥിരബന്ധത്തിന്റെ തെളിവാണെന്ന് അസര്‍ബൈജാന്‍ മന്ത്രി ഹെയ്ദറോവ് അഭിപ്രായപ്പെട്ടു.

ഖത്തര്‍, അസര്‍ബൈജാന്‍ ബിസിനസ് കൗണ്‍സിലിന്റെ പുതിയ നേട്ടങ്ങള്‍ അദ്ദേഹം പ്രശംസിക്കുകയും, പുതിയ നിക്ഷേപാവസരങ്ങള്‍ കണ്ടെത്താനും സംയുക്ത പദ്ധതികള്‍ക്ക് പിന്തുണ നല്‍കാനും കൗണ്‍സിലിന്റെ പങ്ക് വളരെ വലുതാണെന്നും അദ്ദേഹം കൂട്ടിച്ചേര്‍ത്തു.

The 4th session of the Joint Economic, Trade and Technical Committee between Qatar and Azerbaijan was held in Doha, focusing on strengthening bilateral economic ties, exploring investment opportunities, and enhancing cooperation in sectors like energy, infrastructure, and tourism.