വണ്ടൂര്‍: നിര്‍മാണം പൂര്‍ത്തിയാകാത്ത റോഡില്‍ നിന്നും കല്ലു തെറിച്ച് ഹോട്ടലിന്റെ ഗ്ലാസ്സ് തകര്‍ന്നു ഭക്ഷണം കഴിച്ചു കൊണ്ടിരുന്നയാളുടെ പ്ലേറ്റില്‍ വീണു. വണ്ടൂര്‍ മഞ്ചേരി റോഡിലെ കരുണാലയ പടിയിലെ ന്യൂ ഫ്രണ്ട്‌സ് ഫോട്ടലിന്റെ ഗ്ലാസാണ് വാഹനം കടന്നു പോയപ്പോള്‍ തകര്‍ന്നത്.
നാലുവരി പാതയുടെ നിര്‍മാണമാണു പാതി വഴിയിലായത്. മാസങ്ങളായി മെറ്റലടിച്ചു കിടക്കുന്നതിനാല്‍ പാതയുടെ ചിലഭാഗങ്ങളില്‍ കുഴികള്‍ രൂപപെട്ടിട്ടുണ്ട്. കൂടാതെ റോഡിന്റെ അവസാനത്തില്‍ മെറ്റല്‍ ഇളകി കിടക്കുകയാണ്. ഇതാണു വാഹനങ്ങള്‍ പോകുമ്പോള്‍ തെറിക്കുന്നത്. ഹോട്ടലിലേക്കു മുമ്പും കല്ലു തെറിച്ചിട്ടിട്ടുണ്ടെന്നും ഇതിനാല്‍ കച്ചവടത്തെ ബാധിക്കുന്നുണ്ടെന്നും ഉടമസ്ഥന്‍ പറഞ്ഞു.
സമീപത്തുള്ള സ്‌കൂളുകളിലേക്കുള്ള വിദ്യാര്‍ഥികള്‍ ബസ്‌കാത്തു നില്‍ക്കുന്നതും ഇവിടങ്ങളിലാണ്.