ദുബൈ: ഈ വർഷത്തെ പുതുവത്സര ആഘോഷത്തിന്റെ ഭാ​ഗമായുള്ള കരിമരുന്ന് പ്രദർശനം ദുബൈ ഫെറിയിൽ ഇരുന്ന് കാണാൻ പ്ലാൻ ചെയ്യുന്നുണ്ടോ? എങ്കിൽ ഇക്കാര്യങ്ങൾ നിങ്ങൾ അറിയണം. 2025 ഡിസംബർ 31-ന് ദുബൈ റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) ദുബൈ ഫെറി, അബ്ര, വാട്ടർ ടാക്സി തുടങ്ങിയ തങ്ങളുടെ മറൈൻ ഗതാഗത സേവനങ്ങൾക്ക് പ്രത്യേക ഓഫറുകളും പ്രീമിയം സേവനങ്ങളും പ്രഖ്യാപിച്ചിട്ടുണ്ട്.

ബുർജ് ഖലീഫ, ബുർജ് അൽ അറബ്, അറ്റ്ലാന്റിസ് ദി പാം, ബ്ലൂ വാട്ടേഴ്‌സ്, ജുമൈറ ബീച്ച് റെസിഡൻസ് എന്നിവിടങ്ങളിൽ നിന്നുള്ള ആകർഷകമായ കരിമരുന്ന് പ്രദർശനങ്ങൾ കണ്ട് ആസ്വദിച്ച് യാത്രക്കാർക്കും സന്ദർശകർക്കും ഈ പുതുവത്സരം അവിസ്മരണീയമാക്കാം.

ഡിസംബർ 31-ന്, ഈ മൂന്ന് മറൈൻ ഗതാഗത സേവനങ്ങളും രാത്രി 10-നും 10:30-നും ഇടയിൽ സർവിസ് ആരംഭിക്കും. തുടർന്ന്, ജനുവരി ഒന്നിന് പുലർച്ചെ 1:30-ന് യാത്രകൾ അവസാനിക്കും.

സർവിസുകളും നിരക്കുകളും

1. ദുബൈ ഫെറി 

പുറപ്പെടുന്ന സ്ഥലം: മറീന മാൾ മറൈൻ ട്രാൻസ്‌പോർട്ട് സ്റ്റേഷൻ (ദുബൈ മറീന), അൽ ഘുബൈബ മറൈൻ ട്രാൻസ്‌പോർട്ട് സ്റ്റേഷൻ, ബ്ലൂ വാട്ടേഴ്‌സ് മറൈൻ ട്രാൻസ്‌പോർട്ട് സ്റ്റേഷൻ.

ടിക്കറ്റ് നിരക്ക്

• സിൽവർ ക്ലാസ്: 350 ദിർഹം
• ഗോൾഡ് ക്ലാസ്: 525 ദിർഹം
• 2 മുതൽ 10 വയസ്സുവരെയുള്ള കുട്ടികൾക്ക് 50 ശതമാനം ഇളവ്. രണ്ട് വയസ്സിന് താഴെയുള്ള കുട്ടികൾക്ക് സൗജന്യ പ്രവേശനം.

ALSO READ: സുരക്ഷിത യാത്രയ്ക്ക് നിയമങ്ങൾ പാലിക്കുക; ഡ്രൈവർമാർക്ക് നിർദ്ദേശവുമായി ദുബൈ ആർടിഎയും, പൊലിസും

2. വാട്ടർ ടാക്സി

പുറപ്പെടുന്ന സ്ഥലം: മറീന മാൾ മറൈൻ ട്രാൻസ്‌പോർട്ട് സ്റ്റേഷൻ.

ടിക്കറ്റ് നിരക്ക്: 20 യാത്രക്കാർക്ക് യാത്ര ചെയ്യാവുന്ന ഒരു ബോട്ടിന് 3,750 ദിർഹം (വീൽചെയർ സൗകര്യവും ഇതിൽ ഉൾപ്പെടും).

3. അബ്ര (Abra)

പുറപ്പെടുന്ന സ്ഥലം: അൽ ജദ്ദാഫ്, അൽ ഫഹിദി, അൽ ഘുബൈബ, മറീന മാൾ മറൈൻ ട്രാൻസ്‌പോർട്ട് സ്റ്റേഷനുകൾ.

ടിക്കറ്റ് നിരക്ക്: ഒരാൾക്ക് 150 ദിർഹം ആണ് ടിക്കറ്റ് നിരക്ക്. അതേസമയം, രണ്ട് വയസ്സിന് താഴെയുള്ള കുട്ടികൾക്ക് ടിക്കറ്റ് ആവശ്യമില്ല. 

വിശദ വിവരങ്ങൾക്ക്

വിശദ വിവരങ്ങൾക്കായി 8009090 എന്ന നമ്പറിൽ വിളിക്കുകയോ [email protected] എന്ന ഇമെയിൽ വിലാസത്തിൽ ബന്ധപ്പെടുകയോ ചെയ്യാം.

Celebrate Dubai's New Year's Eve 2025 with a spectacular fireworks cruise. The Roads and Transport Authority (RTA) has announced special services for the Dubai Ferry, Abra, and Water Taxi, offering breathtaking views of the city's iconic landmarks and fireworks displays. Book your tickets now and make it a memorable start to 2025.