വനിത പ്രിമീയർ ലീഗിൽ മലയാളി താരം ആശ ശോഭനക്ക് റെക്കോർഡ് തുക. ലേലത്തിൽ യു.പി വാരിയേഴ്‌സ് 1.1 രൂപയ്ക്കാണ് ആശയെ സ്വന്തമാക്കിയത്. ലേലത്തിൽ മലയാളി താരത്തിന് പിന്നാലെ വമ്പൻ വിളിയാണ് ഓരോ ടീമും നടത്തിയത്. ഒടുവിൽ യു.പി വാരിയേഴ്‌സ് റെക്കോർഡ് തുകക്ക് താരത്തെ സ്വന്തമാക്കുകയായിരുന്നു. ലേലത്തിൽ 30 ലക്ഷം അടിസ്ഥാന തുകയായിരുന്നു താരത്തിന് ഉണ്ടായിരുന്നത്. 

കഴിഞ്ഞ സീസണിൽ റോയൽ ചലഞ്ചേഴ്‌സ് ബെംഗളൂരുവിന്റെ താരമായിരുന്നു ആശ ശോഭന. 2024 സീസണിൽ ആർസിബിക്കായി 10 മത്സരങ്ങളിൽ നിന്നും 12 വിക്കറ്റുകളാണ് താരം നേടിയത്. ആ സീസണിൽ ഏറ്റവും കൂടുതൽ വിക്കറ്റുകൾ നേടിയ താരങ്ങളുടെ പട്ടികയിൽ സംയുക്തമായി രണ്ടാം സ്ഥാനത്തായിരുന്നു ആശ ശോഭന. 

വനിത പ്രിമീയർ ലീഗിൽ യു.പി വാരിയേഴ്സിനെതിരെ അഞ്ചു വിക്കറ്റുകൾ വീഴ്ത്തി ആദ്യമായി ഈ നേട്ടം കൈവരിക്കുന്ന ബെംഗളൂരു ബൗളറെന്ന ചരിത്രനേട്ടവും ആശ ശോഭന സ്വന്തമാക്കിയിരുന്നു. തിരുവനന്തപുരം പേരൂർക്കട സ്വദേശിയാണ് ആശ ശോഭന. തന്റെ മിന്നും ബൗളിംഗ് മികവ് കൊണ്ടും ഓൾ റൌണ്ട് മികവ് കൊണ്ടും താരം ഇതൊനൊടകം തന്നെ ശ്രദ്ധ നേടിയിട്ടുണ്ട്. 

അതേസമയം വനിത പ്രിമീയർ ലീഗിന്റെ പുതിയ സീസൺ 2026 ജനുവരി ഒമ്പത് മുതൽ ഫെബ്രുവരി അഞ്ചു വരെയാണ് നടക്കുന്നത്. നവി മുംബൈ, വഡോദര എന്നീ സ്റ്റേഡിയങ്ങളിലാണ് മത്സരം നടക്കുക. 

Malayali player Asha Shobana got a record amount in the Women's Premier League. UP Warriors bought Asha for Rs 1.1 in the auction. Every team made a big bid after the Malayali player in the auction. Finally, UP Warriors bought the player for a record amount.