അജ്മാൻ: യുഎഇയുടെ 54-ാമത് ദേശീയ ദിനാഘോഷങ്ങളുടെ ഭാഗമായി നാളെ ഈദുൽ ഇത്തിഹാദ് (യൂണിയൻ ഡേ) പരേഡുകൾ സംഘടിപ്പിക്കുമെന്ന് അജ്മാനിലെയും റാസൽഖൈമയിലെയും പൊലിസ് അധികാരികൾ.  ഇതേത്തുടർന്ന് ഇരു എമിറേറ്റുകളിലും പ്രധാന റോഡുകളിൽ ഗതാഗത നിയന്ത്രണം ഏർപ്പെടുത്തും.

ALSO READ: യുഎഇ ദേശീയ ദിനം; ദുബൈയിൽ മൂന്ന് ദിവസത്തെ സൗജന്യ പൊതു പാർക്കിംഗ് സൗകര്യം പ്രഖ്യാപിച്ച് ആർടിഎ 

അജ്മാൻ: കോർണിഷ് റോഡ് അടയ്ക്കും

അജ്മാൻ പൊലിസ് അറിയിച്ചതനുസരിച്ച് പരേഡ് വൈകുന്നേരം 4 മണിക്ക് ആരംഭിക്കും. അജ്മാൻ കോർണിഷ് റോഡിലാകും പരേഡ് നടക്കുക. പരേഡിനായി കോർണിഷ് റോഡ് പൂർണ്ണമായും അടച്ചിടും. വാഹനമോടിക്കുന്നവർ ഇതര വഴികൾ ഉപയോഗിക്കണം. സൈനിക യൂണിറ്റുകളും പരേഡിൽ അണിനിരക്കും.

ALSO READ: അതിവേഗ പാതയിലെ നിയമലംഘനം; ദുബൈയിൽ എണ്ണായിരത്തിലധികം ഡെലിവറി റൈഡർമാർക്ക് പിഴ ചുമത്തി 

റാസൽഖൈമ: രാവിലെ ഗതാഗത നിയന്ത്രണം

റാസൽഖൈമയിൽ, അൽ ഖവാസിം കോർണിഷിലാണ് പരേഡ് നടക്കുക. രാവിലെ 8.30 ന് ആരംഭിക്കുന്ന പരേഡ് 10 മണിക്ക് അവസാനിക്കും. അൽ ഖവാസിം കോർണിഷിലാകും പരേഡ് നടക്കുക. കോർണിഷിലേക്കുള്ള പ്രധാന റോഡ് അടച്ചിടും. റാസൽഖൈമയിലെ പരേഡിലും സൈനിക യൂണിറ്റുകൾ പരേഡിൽ പങ്കെടുക്കും.

പൊലിസ് പൊതുജനങ്ങൾക്ക് ജാഗ്രതാ നിർദേശം നൽകിയിട്ടുണ്ട്. യാത്രാ തടസ്സങ്ങൾ ഒഴിവാക്കാൻ വാഹനമോടിക്കുന്നവർ നിർദ്ദേശിക്കപ്പെട്ടിട്ടുള്ള ബദൽ വഴികൾ തിരഞ്ഞെടുക്കണമെന്ന് അധികൃതർ അഭ്യർത്ഥിച്ചു.

ajman and ras al khaimah will host festive eid al ittihad parades tomorrow as part of the uae national day celebrations. residents, families, and visitors are expected to gather for colourful displays, traditional performances, and patriotic programs. authorities have arranged special security, traffic management, and public facilities to ensure smooth celebrations across both emirates during the national day holiday.